Dwight David Eisenhower , escaissat Ike , nascut lo 14 d'octobre de 1890 a Denison (Tèxas) e mòrt lo 28 de març de 1969 a Washington, D.C., foguèt un militar e òme d'Estat american. Sòci del Partit Republican, foguèt lo 34en president dels Estats Units, del 20 de genièr de 1953 al 20 de genièr de 1961.
Durant la Segonda Guèrra Mondiala, comandèt lo desbarcament de novembre de 1942 en Africa del Nòrd, puèi, coma comandant en cap del Supreme Headquarters Allied Expeditionary Force, planifiquèt lo desbarcament de Normandia de juin de 1944. Foguèt nomenat General of the Army en decembre de 1944. Ven cap d'Estat major de l'armada de tèrra dels Estats Units de 1945 a 1948 e comandant suprèm de las fòrças aliadas en Euròpa de 1951 a 1952. Elegit president dels Estats Units a la presidenciala de novembre de 1952, supervisa l'alt al fuòc en Corèa, lança la corsa a l'espaci, desvolopa la ret de las autorotas inter-Estats e fa del desvolopament de l'armament nuclear una de sas prioritats dins l'encastre de la Guèrra Freja amb l'URSS. Es largament reelegit en 1956 fàcia al democrat Adlai Stevenson, qu'aviá ja afrontat quatre ans pus lèu.
Son vicepresident pendent uèit ans, Richard Nixon, es batut de pauc a l'eleccion presidenciala americana de 1960 per John Fitzgerald Kennedy. Se tenguèt puèi en retrach de la vida politica activa.
Categoria:Chief of Staff of the United States Army Categoria:Candidat a la presidéncia dels Estats Units designat pel Partit Republican Categoria:Germanoamerican Categoria:Jogaire de bridge Categoria:Companh de la Liberacion Categoria:Decès en 1969 Categoria:Naissença en 1890 Categoria:Militar american de la Segonda Guèrra Mondiala Categoria:General american Categoria:President dels Estats Units d'America Categoria:Naissença en Tèxas