Chamairac (Chameyrat en francés) es una comuna lemosina situada dins lo departament de Corresa e la region de Novela Aquitània, ancianament de Lemosin.
Geografia A las pòrtas de Tula e dins lo bacin de Briva, tròbam lo vilatge en sortir d’un camin serpentós. Chamairac s’espandís a l'entorn de son chasteu e de sa gleisa. Lo territòri comunau es limitat au sud e au sud-èst per Corresa. Las comunas frontalièras son Navas, Cornilh, Favars, Sent Maissenç, Senta Fortunada, Sent Alari Peiros e Tula.
Istòria Tre l’Edat Medievau, après lo desbosigament fait per los monges de l'Abadiala de Bel Luec, la populacion de la parròquia se desplaça de Chamairac lo Vielh devèrs l’oèst, a Chamairac la Glèisa. Au borg, sus la plaça centrala i a la Glèisa de Sent Esteve, de plan rectangular, dau sègle XIIen qu’a conegut divèrses cambiaments que non an pas cambiat l’omogeneïtat de l’ensemble. A l’esquèrra de la Glèisa trobam tanben los vestigis dau chasteu daus Vescomtes de Turena daus sègles XIIen o XIIIen. Au sud tròbam tanben un autre chasteu apelat Chasteu Hugo, proprietat dau generau Hugo dempuèi 1828 e ont i moriguèt en 1853. Son filh Leopold se consacrèt alavetz a l’espleitacion de sas tèrras de Chamairac d’ont fuguet cònsol de 1859 a 1866.
Administracion
Demografia En 2014 la comuna aviá 1587 abitants. L’evolucion dau nombre daus abitants es coneguda per los recensaments faits en la comuna dempuèi 1793. A partir dau sègle XXIen los recensaments reaus de las comunas de mens de 100.00 abitants se fan cada cinc annadas au contrari d’autras comunas, que an un recensament annadier.
En la populacion èra de abitants.
Luecs e monuments Chasteu de Turena Chasteu Hugo Gleisa de Sent Esteve Monument daus mòrts.
Personalitats ligadas emb la comuna Lo Generau Louis-Joseph Hugo, oncle de Victor Hugo, crompet una proprietat en la comuna en 1830 e sieu filh Leopold, que fuguet cònsol de la comuna. La pèira dau tombeu dau general Louis-Joseph Hugo, après la restauracion de la glèisa en 1958, fuguet transformada en una taula d’autar e pòrta un epitafi redigit per son filh.
Veire tanben Comunas de Corresa
Ligams extèrnes
Nòtas
Categoria:Comuna de Corresa Categoria:Comuna de Lemosin (Occitània)