Joan Pèire Chambon (en francés Jean-Pierre Chambon; nascut a Clarmont-Ferrand lo 20 de junh de 1952, mòrt a Vesoul lo 16 de desembre de 2025) èra un universitari e lingüista occitan. Foguèt professor a l'Universitat Pau Valèri de Montpelhièr, puei a l'Universitat de la Sorbona a París. Recebèt en 1985 lo Prèmi Albèrt Dauzat que decernís la Societat de Lingüistica Romanica e, en 1991, foguèt guierdonat amb la medalha de bronze del CNRS.
Foguèt lo vicepresident de la Societat de Lingüistica Romanica e foguèt membre dels comitats de redaccion de la Revue de Linguistique Romane, de la Revue des Langues Romanes e mai de la revista catalana Estudis Romànics, e finalament de la Nouvelle Revue d'Onomastique.
Dirigiguèt de 2001 a 2019 lo Centre d'Ensenhament e de Recèrcha d'Òc (CERÒC), qu'es un laboratòri de l'Universitat de la Sorbona a París.
Trabalhèt fòrça sus l'istòria de las lengas romanicas, sus la toponimia (sustot en Auvèrnhe e en Francha Comtat), sus l'etimologia (sustot en occitan, arpitan e francés, mai que mai en collaborant al FEW) e sus la literatura (per exemple sus Joan Bodon).
Sabiá parlar ben l'occitan mas refusèt sempre de l'utilizar coma lenga scientifica de trabalh, publiquèt tota son òbra de recèrcha en francés, discutiguèt de manèira fòrça polemica sus la genèsi del gascon e se mesfisèt totjorn de l'occitanisme engatjat.
Òbras HÉRILIER Christian, & CHAMBON Jean-Pierre (1999) “Alibert vu d’Auvergne: notes de lexicographie critique en domaine occitan à propos de deux sources aurillacoises du Dictionnaire occitan-français”, Revue des langues romanes. t. CIII n° 2: 277-293 CHAMBON Jean-Pierre “Notes étymologiques et philologiques”
Chambon, Joan Pèire Categoria:Naissença en 1952