Lo Biatge IEO Toponimia occitana (Le Béage en francés) es una comuna occitana de Vivarés, situada dins lo departament d'Ardecha e la region d'Auvèrnhe-Ròse-Aups, ancianament de Ròse-Aups.
Geografia Lo vialatge es a quicòm coma 1200 m d'altitud sus la RD 122 Privàs-Lo Puèi de Velai, alh crosament amb la RD 16 en direccion de Cocoron e près d'autras doás departamentalas segondàrias, la RD 302 e la RD 377. Aquela situacion e l'alunhament de tota vila li permet de conservar una activitat comerciala. I a quitament una gendarmariá (alh quartièr de Farjas) coma dins un canton. I a pas, çaquelà, de Crèdit Agricòla.
Comunas vesinas 400px|left|Distanças e posicion relativa
Perimètre delh territòri
Toponimia Segon Albèrt Dauzat, Lo Biatge vendriá de *bed-aticum, delh gallic *bed-, « besal, biau »; lo nom s'explicariá perqué lo vialatge tresplomba d'ajustants de rius Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 61. Foneticament, l'etime fonciona, mas la motivacion es un pauc leugèira. Xavier Delamarre se justifica per la situacion geografica explicada per Dauzat e prepausa bedāticā, « los besals, los biaus » Xavier Delamarre, Noms de lieux celtiques de l'Europe ancienne, ed. Errance, 2012, p. 73. Delamarre es un especialista delh gallic pus segur que Dauzat, mas *bedāticā donariá normalament una finala en -a. Cèrtas, l'article (anormal per una formacion gallica) auriá poscut faire passar lo nom delh femenin (o d'aparéncia femenina) alh masculin, mas justament perqué aquel article ? L'impression es que lo nom es pas dirèctament gallic, mas d'epòca occitana, format sus *beau, *biau, *besal, mot d'origina gallica, amb un sufixe -atge encara viu en occitan, formacion benlèu eretada delh gallic. Coma Lo Biatge es sus un travèrs, una canalizacion per empachar las aigas de córrer ont que siá auriá poscut motivar lo nom.
La prononciacion es [lu'biaze] d'un locutor de competéncia lingüistica excellenta nascut a Issarlés, [lu'biaʒe] a La Chalm Rafaièl enquèsta Sivadon junh de 2019.
Administracion
Abans la refòrma cantonala de 2014, aplicada en 2015, la comuna èra delh canton de Montpesat; es ara delh canton de Nauta Ardecha (Tuèis burèu centralizator).
Demografia
2016 : 257
Luòcs e monuments
Personalitats ligadas amb la comuna
Veire tanben
Ligams extèrnes
Nòtas
Categoria:Comuna de Vivarés Categoria:Comuna d'Ardecha