Cròs de Gieuran o Lo Cròs de Gieuran (Cros-de-Géorand en francés) es una comuna occitana de Vivarés, situada dins lo departament d'Ardecha e la region d'Auvèrnhe-Ròse-Aups, ancianament de Ròse-Aups.
Geografia
Comunas vesinas 400px|left|Distanças e posicion relativa
Perimètre delh territòri
Toponimia Cròs de Gieuran Lo vialatge, situat près delhs ajustants de mai d'un riu, çò que permet a las vals de s'espandir, merita plan son nom de cròs. En general, çaquelà, lo nom de cròs es acompanhat de l'article e la mapa de Cassini escriu Le Cros de Géorand https://www.geoportail.gouv.fr/donnees/carte-de-cassini charchar a Cros-de-Géorand. L'article es encara present dins l'usatge ? Lo determinant, que marca aicí una dependéncia, es lo de l'ancian chastèlh qu'es alh sud-oèst. Albèrt Dauzat escriu que lo determinant es lo nom d'un vialatge vesin Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 231 e benlèu que Gieuran èra tanben un vialatge.
Gieuran Pas d'infòrmacions.
Istòria Lo nom delh luòc de Gieuran, alh sud-oèst delh Cròs, es escrit sus la mapa actuala, mas sense aglomeracion https://www.geoportail.gouv.fr/carte charchar a Cros-de-Géorand. La mapa de Cassini mòstra un luòc arroïnat, glèisa, chastèl e tot https://www.geoportail.gouv.fr/donnees/carte-de-cassini charchar a Cros-de-Géorand. Lo siti, una cima de 1185 m enlairada e combatuda de totes los vents, es ideal per un chastèl, mas en defòra de las epòcas treboladas, repulsiu per i demorar. Efectivament, i aviá lo chastèl delhs Itiers de Géorand; çaquelà benlèu, lo prumièr chastèl d'aquela familha èra alh Poiet, a l'oèst-nòrd-oèst https://www.ardeche.com/cros-de-georand/ronde-des-chateaux-les-seigneurs-de-georand-123676.html. I a encara quauques vestigis a Gieuran e benlèu qu'en mai delh chastèl i aviá quauques ostaus après. Gieuran èra una comunautat, puèi que la comuna (se n'i agèt una) se recampèt amb la delh Cròs teoricament entre 1790 e 1794, mas aquò supausa pas totjorn una aglomeracion; la municipalitat en 1793 èra « Cros et Georand » http://cassini.ehess.fr/cassini/fr/html/fiche.php?select_resultat=11198.
Lo vialatge de(lh) Cròs de Gieuran existissiá abans la disparicion delh chastèl de Gieuran e d'un eventual vialatge d'aquel nom, puèi qu'un priorat de l'abadiá de La Chas-Dieu s'i installèt a l'Edat Mejana; lo prior aviá dreit de justícia, una proprietat foncièra e autras foncions senhoralas https://www.ardeche.com/cros-de-georand/ronde-des-chateaux-les-seigneurs-de-georand-123676.html.
Administracion
Abans la refòrma cantonala de 2014, aplicada en 2015, la comuna èra delh canton de Montpesat; es ara delh canton de Nauta Ardecha (Tuèis burèu centralizator).
Demografia
Luòcs e monuments
Personalitats ligadas amb la comuna
Veire tanben
Ligams extèrnes
Nòtas
Categoria:Comuna de Vivarés Categoria:Comuna d'Ardecha
Categoria:Comuna d'Ardecha