Masan de l'Abadiá (Mazan-l'Abbaye en francés) es una comuna occitana de Vivarés situada dins lo departament d'Ardecha e la region d'Auvèrnhe-Ròse-Aups, ancianament de Ròse-Aups.
Geografia
Comunas vesinas 400px|left|Distanças e posicion relativa
Perimètre delh territòri
Toponimia Las fòrmas ancianas son Mas Adam, vèrs 1160, Mansus Adam, en latin, alh sègle XII, Masan, en 1478. Lo nom ven de mansus, « tenura d'una sola familha », puèi « ostau e tèrras d'un paisan », puèi « vilatjòt » e d'Asam, fòrma occitana regulara delh nom delh prumèir òme (passatge ancian de -d- intervocalic a -z-), donada coma pichon nom Annales du Midi, 1964 vol. 76, n° 67 p. 229-232Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 377. La fòrma de 1160 es en occitan, mas patís d'una influéncia culta (*Azam, estat normal delh nom alh sègle XII, mudat en Adam, fòrma sabenta). Lo nom deguèt èsser *Masazam, puèi *Masasan; enfin, per aplologia (supression d'una de las doás sillabas semblablas successivas), venguèt Ma(sa)san, Masan.
Dauzat e Rostaing, qu'avián pas las fòrmas ancianas, supausèron que l'explicacion èra la que valiá per Masan (Vauclusa), un nom latin d'òme *Matasius, inferit de Matusius, amb lo sufixe -anum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 444. L'error foguèt corregida dins lo suplement Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, Supplément, p. XX.
La prononciacion a La Chalm Rafaièl es [ma'zɔn] enquèsta Sivadon junh 2019.
Istòria Alh sègle XVIII, Masan èra pas parròquia https://www.geoportail.gouv.fr/donnees/carte-de-cassini charchar a 07510 Mazan-l'Abbaye e dependiá probablament de Sant Cirgue per l'espiritual. En 1793, i aviá una comuna formada de Masan e de Meseirac (o Meseirac foguèt annexat per Masan, segon lo siti Cassini). Lo nom de la comuna èra Mazan et Mezeyrac. Lo vilatjòt d'Issanlàs èra problament dins Meseirac. Puèi en 1899, Meseirac e Issanlàs formèron una novèla comuna, Issanlàs http://cassini.ehess.fr/cassini/fr/html/fiche.php?select_resultat=21738.
Administracion
Abans la refòrma cantonala de 2014, aplicada en 2015, la comuna èra delh canton de Montpesat; es ara delh canton de Nauta Ardecha (Tuèis burèu centralizator).
Demografia
2016 : 121
Luòcs e monuments
Personalitats ligadas amb la comuna
Veire tanben Comunas d'Ardecha
Ligams extèrnes
Nòtas e referéncias
Categoria:Comuna d'Ardecha Categoria:Comuna de Vivarés