Arquetas (Arquettes-en-Val en francés) es una comuna lengadociana situada dins lo departament d'Aude e la region d', ancianament de Lengadòc-Rosselhon.
Geografia Arquetas es una comuna de la Val de Danha. vignette|upright=1.5|centre|Comunas a l'entorn. Perimètre del territòri
Toponimia Las fòrmas ancianas son : Archae en 1106, Archae Vallis de Danie en 1267, Archia en 1366, Arch [sic] Vallis de Daniœ en 1377, Archila del sègle XIII al sègle XVIII, Arquetas en 1538, Arquètes en 1532. La prononciacion occitana es Arquétos Abbé Sabarthès, Dictionnaire topographique du département de l'Aude, 1912, p. 435, legir en linha https://gallica.bnf.fr/ark:/12148/bpt6k110095d/f527.item.texteImage , dins la grafia de l'abat Antòni Savartés, donc [aɾ'ketɔs]. Arquetas es lo diminutiu d'Arcas que el-meteis ven del latin arca, « arca d'un pont » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 24, a Arc. Favièrs Favièrs es un ancian priorat del vocable de Sant Caprasi, unit a l'abadiá de La Grassa. Lo masatge es a un gròs km a l'oèst d'Arquetas. Las fòrmas ancianas son : Villa Favarios en 820, Favarias en 837, Favars en 870, Villare quae vocant Favarios cum ecclesia S. Caprasii en 899, Villa Fabarios en 951, Villa Faverium en 1110, Ad rocam de Favario en 1175, Apud Favers en 1250, B. Caprasium de Falbars en 1269, Terminium de Saveriis = Faveriis en 1316, Villa Fabers cum ecclesia S. Caprasii en 1521, La moitié du lieu de Faures = Faviès en 1389-1589, Favas, Favier en 1503-1589, Faviès, ancienne église en mazure en 1785, Fabiès (cadastre) Abbé Sabarthès, Dictionnaire topographique du département de l'Aude, 1912, p. 135, legir en linha https://gallica.bnf.fr/ark:/12148/bpt6k110095d/f227.item.texteImage . Favièrs es un derivat de faba, « fava », ambe'l sufixe -arium (o lors resultats), al plural. Un tal toponime pòt èsser d'epòcas divèrsas, mès dins aquel cas lo nom data de la Nauta Edat Mejana, s'es pas de l'Antiquitat. Lo tipe femenin faba + -aria sembla pus espandit. Favars (Havars en gascon) es un autre lòc nommat per la cultura de las favas, ambe'l sufixe -are (l'abséncia de iòd permet la conservacion de a dins lo sufixe). Les Lys I a un castèl e i a(viá) las roïnas d'una anciana glèisa. Las fòrmas ancianas son : Villare qui dicitur Aiglino en 1106, Villula de Aiglino en 1110, Castrum de Udalgario en 1237, Prope Archas, quaedam decimalia de Aiglino en 1269, Alodium de Villa Riglino, comprene Villar Iglino en 1520, Agly en 1261-1589, Au terme de Aglie al sègle XVII, Château d'Udalgar al sègle XVII, Château appellé Les Lis..., Les Lys Abbé Sabarthès, Dictionnaire topographique du département de l'Aude, 1912, p. 216, legir en linha https://gallica.bnf.fr/ark:/12148/bpt6k110095d/f308.item.texteImage . Tres noms son representats e qu'an pas res a véser : le nom actual les Lys, en occitan les liris, nom probablament artificial que representa una planta decorativa, (le castèl) d'Udalgar, nom d'òme d'origina germanica conegut mai que mai dins un contèxte catalan e Aiglin-, que representa benlèu le nom latin d'òme Aquilinus.
Istòria
Administracion
Demografia
En la populacion èra de abitants e la densitat èra de ab/km².
Lòcs e monuments
Personalitats ligadas amb la comuna Émile Pouytès, vinhairon e sindicalista occitan tuat al moment d’una manifestacion viticòla en 1976. Olivièr de Tèrme (1200-1274), senhor de Tèrme e d'Arquetas.
Véser tanben Comunas d'Aude
Ligams extèrnes Arquetas sul site de l'Insee
Nòtas
Categoria:Comuna d'Aude Categoria:Comuna de Lengadòc