Mandalha e Sant Julian o Mandalhas e Sant Julian (Sant Júlian per Joan Vesòla) IEO Cantal, Communes Cantal.xls.pdf (Mandailles-Saint-Julien en francés), es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Geografia

Comunas vesinas 400px|left||Distanças e posicion relativa

Perimètre del territòri

Toponimia Mandalha(s). Las fòrmas ancianas son Mandalhas, en 1522, Mandalhies, en 1573, Mandalias, en 1608, Mandailles-en-Jordanne, en 1612, Mandalhes-en-Jordaine, en 1621, Mandales-en-Jourdanne, en 1631, Mandailh, en 1633, Mandailhes, en 1652, Mandailhe-ez-Jourdanne, en 1655, Mandailhe, en 1677, Mandaille, en 1712, Mandelhes, en 1756 http://archives.cantal.fr/ark:/16075/a011351496859OGZPL1. Las fòrmas ancianas son tardivas, mas las primièiras son al plural. Dauzat e Rostaing veson dins Mandalha(s) un preceltic manda, amb lo sens d' « autura, limit » e lo sufixe -alia Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 430. Los Feniés cèrcan tanben dins lo preceltic amb l'oronime mant, que tròban tanben a Mant (Lanas) Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 73. La sola causa segura, s'acceptèm lo sufixe -alia, es que la basa, preceltica o pas, èra compresa quand lo nom se fixèt. E justament, dins un airal fòrtament celtizat, i a un mot qu'èra utilizat dins la primièira partida de nòstra èra, lo gallés mandu-; « pòné, chaval pichon » Xavier Delamarre, Dictionnaire de la Langue gauloise, ed. Errance, 2na edicion, 2003, p. 214 : elevatge o cavalets salvatges ? Una basa benlèu celtica, un sufixe roman, lo nom data probablament d'una epòca tardiva de la celticitat auvernhassa. Sant Julian de Jordana. Julianus es lo nom de mai d'un sant, Sant Julian l'Espitalièr e un martir de Briude en 304 (coma moriguèt en Auvèrnhe e qu'agèt una granda popularitat, deu èsser aquel qu'es onorat dins la glèisa), Sent Julian d'Antiòquia, etc Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 607http://nominis.cef.fr/contenus/saint/1753/Saint-Julien-de-Brioude.html. Jordana es lo nom d'un riu.

Istòria La comuna de Sant Julian de Jordana se creèt en 1844, a partir de Sant Cirgue de Jordana. Mandalha e Sant Julian de Jordana fusionèron en 1972 http://cassini.ehess.fr/cassini/fr/html/fiche.php?select_resultat=20872. Sant Julian es luènh de Sant Cirgue, mas de Sant Julian a Mandalha, i a pas que dos km. L'ostal de comuna lo placèron a Mandalha.

Administracion

Abans la refòrma cantonala de 2014, aplicada en 2015, la comuna èra del canton d'Orlhac-4; es ara del canton de Vic de Cera.

Demografia Demografia de Mandalha, puèi de Mandalha e Sant Julian

Demografia de Sant Julian de Jordana

Las donadas de la drecha del grafic, plaçadas automaticament, son las de la comuna entièira de Mandalha e Sant Julian

Luòcs e monuments

Personalitats ligadas amb la comuna

Véser tanben

Ligams extèrnes

Nòtas e referéncias Nòtas

Referéncias

Categoria:Comuna d'Auvèrnhe (Occitània) Categoria:Comuna de Cantal Categoria:Comuna d'Occitània