Montbodiu

Montbodiu (Montboudif en francés) es una comuna auvernhata, situada dins lo departament del Chantal e la region d'Auvèrnhe-Ròse-Aups, ancianament d'Auvèrnhe.

Geografia

Perimètre delh territòri

Toponimia Las fòrmas ancianas son Grangia Montis Vodin veteris, en 1309 [Vodin pòt èsser una marrida grafia per *Vodiu], Monbodif en 1310, Montbodif, Monbodifz, alh sègle XVI, Montboudictz, Monboudifs, Monbodifs, molin de Monboudiouf, en 1654, Mauboudif, en 1665, Momboudif, en 1672, Monboudiau, molin de Monboudif, alh sègle XVII, Bomboudif, Bombodif, en 1777, etc http://archives.cantal.fr/ark:/16075/a011351496860weuqxgBénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 156. Dauzat e Rostaing interprètan, amb prudéncia, lo nom coma un derivat, amb lo sufixe -ivum, delh gallés boduo, « graula, caula » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 474; mas dins boduo, lo -d- intervocalic auriá donat [-z-]. Bénédicte Boyrie-Fénié e Jean-Jacques Fénié ne'n fan un « mont votiu, sacrat » (del latin montem, « mont », e votivus) . Lo sens es religiós dins cada cas : la graula simbolizava una divinitat guerrèira celtica (e tanben germanica),Xavier Delamarre, Dictionnaire de la Langue gauloise, ed. Errance, 2na edicion, 2008, p. 81. Las finalas -if, -euf, etc, son tipicas de las francizacions medievalas dins lo nòrd del domeni occitan, de finalas diftongadas que s'acaban en -u, imprononciablas en francés (cf. la correspondéncia viu / vif). La grafia poiriá èsser Montvodiu, mas las fòrmas ancianas son gaireben totjorn en b-, dins un parlar tròp nordic per èsser betacista avòra (en realitat i a un ensemble de faits que mòstran que lo betacisme a reculat, coma un luòc citat per Omelhièr e prononciat (Vila) [nɔb-] (a), dins un parlar qu'es pas betacista avòra o la prononciacion [la'bastjə] per La Vàstria comuna als locutors betacistas e pas betacistas). L'atestacion de 1310 se referís a Montboudif-Vieux, luòc dispareissut. La prononciacion al borg es [mɔnbu'dju]; a Champs, [mɔnbu'djo] enquèsta Sivadon, abrial e junh 2018. Per la prumèira sillaba, mont ven de MŎNTE ( > mònt > mont en general), se consèrva davant l'accent tonic del sintagme. La prononciacion [-bu'dju] puslèu que [-vu'dju] es un eiretatge de l'epòca que lo parlar èra betacista. Auriá chaugut escriure Mòntbodiu.

Istòria La comuna se creèt en 1865, a partir de Condat http://cassini.ehess.fr/cassini/fr/html/fiche.php?select_resultat=23214.

Administracion

Davant la refòrma cantonala de 2014, aplicada en 2015, la comuna èra delh canton de Condat; es ara delh canton de Riòm de las Montanhas.

Demografia

En la populacion èra de abitants e la densitat èra de ab/km².

Luòcs e monuments

Personalitats ligadas amb la comuna Jòrdi Pompidor, president de la Republica francesa.

Véser tanben

Ligams extèrnes

Nòtas e referéncias Nòtas

Referéncias

Categoria:Comuna d'Auvèrnhe (Occitània) Categoria:Comuna de Cantal Categoria:Comuna d'Occitània