ValuèjolIEO Cantal, Communes Cantal.xls.pdf (Valuéjols en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.
Geografia
Perimètre del territòri
Toponimia Las fòrmas ancianas son vicaria de Avalogile, en 928, Avaloiolum vicaria, en 929, vicaria Avaloiolo, en 930, Avaiole, en 1009, Avolojelesi, Avolojolensis vicaria, en 1011, Avalujul, en 1060-1069, cum medietate oecclesioe sancti Saturnini de Avalojulo, en 1081, Valoiols, en 1239, Valojol, en 1239, in parrochia de Valojol, en 1284, Valueiol, en 1296, Valoiol, en 1308, Valegium, en 1334, Valogium, en 1352, Valuegholh, en 1411, Balogium, en 1419, Valeugi, en 1445, Valuagiol, Valuegiol, Valeviol, Valuejol, Valueghol, Vallegol, Avalogiol, Baluegiol, al sègle XV, Valuegium, en 1478, Valeughoul, en 1502, Valutgo, en 1508, Balueghol, Valhuegol, Balhueghol, en 1511, Valeujol, en 1518, Valieughol, en 1542, Valleujol, en 1644, Valleugeou, Valleujou, Valleugiou, Valeujou, en 1645, Valleugel, en 1652, Valeughou, en 1652, Valleughe, Valleuge, en 1661, Valeu-Jol, en 1661, Valeughol, en 1662, Valeuzol, en 1665, Valeugols, en 1673, Valuéghoul, en 1688, Valouges, en 1691, Valeuges, en 1692, Valuejou, en 1693, Valeuze, en 1740, Valeujeol, al sègle XVIII, Valeughe-l'Église, Valeughe-le-Haut, en 1784, etc http://archives.cantal.fr/ark:/16075/a0113514968633mFaYP.
Es un compausat gallés, format de aballo-, « pomèir», e -ialonhttps://www.persee.fr/docAsPDF/rea_0035-2004_1930_num_32_2_2570.pdf, « talhadís, eissart, espaci descatat ---> vialatge » e lo sens es « eissart, vialatge delhs pomèirs ».Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 697, a ValeuilXavier Delamarre, Noms de lieux celtiques de l'Europe ancienne, ed. Errance, 2012, p. 37 e 370.
A l'Edat Mejana, lo nom perdèt l'iniciala a-, confonduda amb una preposicion. Aquela aferèsi es un accident frequent quand un toponime comença per a-. La prononciacion es [bu'rɔdzə] a La Vaissanet, [va'rœzə] a Lastiguet, a 25–30 km enquèsta Sivadon junh 2018 (mas lo vocalisme es pus conservator). La vocala tonica èra [ɔ] al sègle XIII, passèt a [yɛ], puèi a [œ] (amb benlèu d'episòdis en [jyɛ]), davant las evolucions recentas. La consonanta finala -l se desarticulèt a l'entorn de 1500 e -o ([-u]) pòsttonic vengut final poguèt pas longtemps se prononciar perqué l'auvernhat refusa certanas vocalas finalas pòsttonicas coma [-u] e [-i] (un exemple curiós es que i a a Valuèjol una Place du Griff, ont i a una fònt bastida : Griff representa grífol) . Se mudèt regularament en [-ə]. Ne resulta que a la rigor la finala -ol pòt demorar dins la grafia; -l- intervocalica, alterada en una [-r-] guturala, es conservada dins la grafia. Se i a pas de prononciacion mens evolucionada, [bu'rɔdzə] se pòt representar en Volòjol (o Vològe ?). [va'rœzə] correspond a Valúejol (o Valuege ?). D'un altre costat, chaldriá pas que la grafia occitana dependa de la del francés, que Valuéjols (nom francés) demòre en -ol e que per exemple Venteuges (nom francés) s'escriga Venteuge.
Istòria En 1832, Saint-Maurice (nom francés) foguèt annexat a Valuèjol http://cassini.ehess.fr/cassini/fr/html/fiche.php?select_resultat=40976
Administracion
Davant la refòrma cantonala de 2014, aplicada en 2015, la comuna èra del canton de Sant Flor-sud; es ara del canton de Sant Flor-2
Demografia
Demografia Saint-Maurice (nom francés)
Las donadas de la dreita del grafic, plaçadas automaticament, son las de la comuna entèira de Valuèjol
Luòcs e monuments
Personalitats ligadas amb la comuna
Veire tanben
Ligams extèrnes
Nòtas e referéncias Nòtas
Referéncias
Categoria:Comuna d'Auvèrnhe (Occitània) Categoria:Comuna de Cantal