Bandiat (en francés Bandiat) es una ribiera occitana dau sud-oest de França (regions de Lemosin, d'Aquitània e de Peitau-Charantas).
Geografia La font de Bandiat se tròba sus lo ranvers sud dau Puei Chauvet (440 m d'altitud), rasís lo vilatge dau Puei Conhós (comuna de Dornasac, en Nauta Vinhana. Dins son cors superior, cola vers lo sud-oest, mas aprep Nontronh, vira vers lo nòrd-oest e s'en vai vers Charanta. Bandiat a la particularitat de s'estrecir de mai en mai en s'aprueimar de Tardoira. Quand arriba rasís Saint-Projet, es mas un riu que sas aigas dispareissen completament dins de las perdas dau planetge karstic. Aquelas aigas alimentan una brava ressorgida, las fonts de Tovra, un pauc a l'est d'Engolesme. Lòrs de las grandas cregudas, Bandiat se junh tot parier a Tardoira en Agris (Charanta).
Idrologia Bandiat es plan sensible a las plegudas. Monta pro leu per temps de fòrta pluèja, mas tòrna trobar tan leu son niveu costumier quand lo temps se tòrna brave. Son debit mejan varia en Fuelhada entre 0,6 m³/s per l'estiu e 6 m³/s per l'ivern.
Localitats asaigadas Ajac de Bandiat Nontronh Javerlhac e La Chapela Sent Robert Fuelhada Marton Sent German de Montberol Chasèlas Pranzac
Veire tanben Liams internes Liams externes
Nòtas e referéncias Nòtas
Referéncias
Categoria:aiga d'Occitània Categoria:Bacin de Charanta Categoria:aiga de Nauta Vinhana Categoria:aiga de Dordonha Categoria:aiga de Charanta