Lo Gresèth e Cavanhan (Grézet-Cavagnan en francés) es ua comuna gascona, situada dens lo departament d'Òut e Garona e la region de Navèra Aquitània, ancianament d'Aquitània.

Geografia La residéncia de la Comunautat de comunas deus Tuquets e Lanas de Gasconha es a Cavanhan, en direccion de la D 933. vignette|upright=1.8|centre|Comunas a l'entorn.

Perimètre deu territòri

Toponimia Las fòrmas ancianas citadas per Bénédicte Boyrie-Fénié peu Gresèth que son : Gresel (castrum del ~), en 1259, Greceto (decima de ~), en 1305, Grezetum (1307-1317), Grezeto (capella de ~) en 1326. La prononciacion de l'ensemble es [lugre'zɛt] (e) [kawa'ɲaŋ]. Dona pas de fòrmas ancianas per Cavanhan Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 132-133, mès la mapa de Sanson (sègle XVII) portava Cahouagnan https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom.

Per Dauzat e Rostaing, Lo Gresèth qu'es un nom comparable a Gresèls; que s'explica peu «provençal» gres (de *grēsum, mot prelatin, dont la basa que serè car/gar damb lo sufixe prelatin -ēsu) e sufixe -ellumAlbert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 328, a Graix. Jacques Astor, citat per B. Boyrie-Fénié, que se pronóncia per l'occitan gres, «pèira, calhau, «terrenh peirós». Ernèst Negre, citat tanben per Bénédicte Boyrie-Fénié, qu'opina peu mot gascon gréso, « partida estèrla d'un camp, bosiga », damb lo sufixe diminutiu -èt qui correspond au lengadocian -èl; lo nom deu Gresèth qu'aurè alavetz lo sens de « petita bosiga » [que cau precisar que lo sens de bosiga es modèrne, e que Mistral lo cita a prepaus deu Carcin; a l'epòca de fixacion deu nom, que cau reténer lo sens de tèrra magra e peirosa, e non pas lo de bosiga]. Las interpretacions deus tres toponimistas que son complementàrias e Bénédicte Boyrie-Fénié, qui evòca la vielha arrasic pre-indoeuropèa *gar/*gr e lo sufixe diminutiu -ellu, las contraditz pas.

Per Gresèls, Delamarre que l'explica per ua etimologia celtica griselā o griselon, damb ua l simpla qui convien pas per (Lo) Gresèth Xavier Delamarre, Noms de lieux celtiques de l'Europe ancienne, ed. Errance, 2012, p. 162 e 349.

Sus la mapa de Cassini, l'emplaçament deu Gresèth es escrit Usan e lo Gresèth es al nòrd-èst. Usan s'explica per un nom latin d'òme Utius, Usius, dab lo sufixe anum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 691, per un aute Uzan. Se tracta donc d'un ancian maine antic e lo nom es pus ancian que lo deu Gresèth (los noms dab article son deu segond millenari).

Per la toponimista, Cavanhan que derivarè d'un nom d'òme latin tirat de cavannus, «gahús», «cahús», damb lo sufixe -anu(m). Dauzat e Rostaing, per Cavanhac e Chavanhac (Perigòrd), (donc damb lo sufixe -acu(m)), que causisson *Cavannius, fòrma latina deu nom d'òme gallés CavannusAlbert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 157, a Cavanac. Peus noms aparentats en cavan(h), Delamarre que causeish en generau un nom celtic Cavānos e Cavānios, mei rarament la nocion de « proprietat deu gahús » Xavier Delamarre, Noms de lieux celtiques de l'Europe ancienne, ed. Errance, 2012, p. 110.

Istòria Lo territòri deu Gresèth èra de la ciutat deus Nitiobròges e après de la diocèsi d'Agen, çò que justifica mèi o mens de lo plaçar dens l'Agenés. Dempui lo 13 d'agost 1317 e d'aquí a la Revolucion, èra de la diocèsi de Condòm creada per Joan XXII Jean Burias, Atlas Historique français, Agenais, Condomois, Bruilhois, CNRS, 1979. Lo territòri de Cavanhan èra de la diocèsi de Vasats, donc deu Vasadés https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoomhttp://gallica.bnf.fr/ark:/12148/bpt6k9616679v/f158.item.zoom. Las comunas deu Gresèth e de Cavanhan eston fusionadas en 1840.Seconde loi, du 16 juillet 1840. Lot-et-Garonne. L'ostau de comuna (ostau comunau, « meria ») es au Gresèth.

Administracion

Avant la refòrma cantonala de 2014, aplicada en 2015, la comuna èra deu canton de Boglon; es adara deu canton de las Seuvas/Ahorèsts /deus Bòscs de Gasconha.

Demografia

Demografia deu Gresèth, pui deu Gresèth e Cavanhan

En la populacion èra de abitants e la densitat èra de ab/km².

Demografia de Cavanhan

En 1793, la municipalitat èra Bouglon, Argenton, Cavagnan et Guerin, donc Boglon, Argenton, Cavanhan e Garin. Las donadas de la dreta deu grafic, plaçadas automaticament, son las de la comuna entèira deu Gresèth e Cavanhan.

Lòcs e monuments

Personalitats ligadas dab la comuna

Véser tanben Comunas d'Òut e Garona Ligams extèrnes

Nòtas

Categoria:Comuna de Guiana Categoria:Comuna d'Òlt e Garona