Riutòrt de Randon (Rieutort-de-Randon en francés) es una anciana comuna gavaudanesa situada dins lo departament de Losera e la region d', ancianament de Lengadòc-Rosselhon. Dempuèi lo 1èr de genièr 2019, es comuna delegada e chapluòc de la comuna novèla de Monts de Randon.
Geografia
Dins l'ancian canton de Sench Amanç, Riutòrt aviá totes los caractèrs d'un chapluòc sense lo títol, comèrces e quitament la gendarmariá (de data immemoriala, benlèu dempuèi l'ancian canton de Riutòrt, entre 1790 e 1801). Dempuèi lo recampament recent de las comunautats de comunas, n'es venguda la residéncia, alara que Sench Amanç èra residéncia de l'anciana comunautat de La Tèrra de Randon (SIREN 244800355). De mai, la pus granda proximitat de Mende lo fa beneficiar dins una certana mesura de fenomèns de peri-urbanizacion. Dins quina mesura la preséncia recenta a son consolat de personas influentas (dos foguèron deputats, dos conselhièrs generals e lo cònse actual es president de la CC coma n'èra de l'anciana) a facilitat son desvolopament ? Lo milhorament puslèu recent de la RD 1 (Maruèjols-Chastèlnòu de Randon (sense passar per Mende), amb desviament de Rieutòrt (pus anciana) es de segur una decision departamentala. La diferéncia de superficia comunala entre Sench Amanç e Riutòrt permet pas d'estudiar l'evolucion demografica per saber se lo canton oficial, que jamai foguèt pas una aglomeracion importanta (rarament pus de 400 abitants dins la comuna) a perdudas d'activitats comercialas a l'avantatge de Riutòrt. Çò segur es los bastiments ancians de las doás aglomeracions mòstran que Riutòrt èra dejà pus important que Sench Amanç al sègle XIX. Probable que Sench Amanç foguèt chausit coma chapluòc sonque perqué èra pus central dins lo canton.
270px|center
Lo 1èr de genièr 2019, Riutòrt de Randon es chapluòc de Monts de Randon, que compren tanben Estables, Cervièira, La Vialadiu e l'ancian chapluòc de canton.
Perimètre del territòri
Toponimia La prononciacion es [rri'tɔr] o [rri'tɔr de rran'du] a Montrodat, [rri'tɔr] a Sent Gal, Ribenas, Recola de Fumaç, etc enquèsta Sivadon, setembre 2015.
Riutòrt es compausat de riu, del latin rivus e de l'adjectiu tòrt, del latin tortus Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 568. Lo sens es evident e la motivacion deu èsser lo cors del riu del Boschet (Ruisseau du Bouchet en francés), que s'ajusta a Colanha al nòrd del borg e que fa de corbas coma tot riu, mas pas mai qu'aquò.
Lo determinant Randon, oficial dempuèi 1961 http://cassini.ehess.fr/cassini/fr/html/fiche.php?select_resultat=29139, es lo nom d'una familha que possedissiá una baroniá importanta. Lor chastèl principal èra a Puèg David (près d’Estables), puèi a Chastèlnòu de Randon.
Istòria Riutòrt foguèt canton de 1793 a 1801 http://cassini.ehess.fr/cassini/fr/html/fiche.php?select_resultat=29139.
Administracion
Abans la refòrma cantonala de 2014, aplicada en 2015, la comuna èra del canton de Sench Amanç; es ara del canton de Sent Auban.
Demografia
2016 : 775
Luòcs e monuments
Personalitats ligadas amb la comuna Denis Salaville, deputat (1977-1978) Francis Saint-Léger, deputat (2002-2012) Veire tanben Siti del conselh general de Losera
Ligams extèrnes
Nòtas
Categoria:Comuna de Gavaudan Categoria:Comuna de Losera