La Guiòla (Laguiole en francés) es una comuna roergassa situada dins lo departament d'Avairon e la region d', ancianament de Miègjorn-Pirenèus.

La Guiòla es celèbra per sas especialitats del cotèl e del formatge.

Geografia

vignette|upright=1.6|centre|Comunas a l'entorn.

La comuna es situada en Aubrac, dins lo Massís Central.

Toponimia 250px|thumb|left|Panèl d'intrada a La Guiòla. Lo nom de la comuna (La Glaziole, La Glaiole, La Gléole, La Guiolle al sègle XIII) ven de l'occitan la gleisòla significant « la pichona glèisa »La Guiòla : Istòria e patrimòniJacques Astor, Diccionari dels noms de familhas e noms de luòcs del Miègjorn de la França, Edicions del Beffroi, 2002, pàg. 379 (rubrique Gleize, Gleyze)..

Istòria Roergue foguèt conquistat l'an 767 per Pepin lo Brèu e los ducs d'AquitàniaIstòria de Laguiole. Roergue demorèt jos la dependéncia dels comtes de Roergue fins a la mòrt de Joana de Tolosa e del sieu marit Anfós de Peitieus, en 1271. Lo comtat passèt puèi jos la dependéncia dirècta dels reis de França.

Los angleses prenguèron lo Fòrt de La Guiòla e los sieus entorns l'an 1355 mas ne foguèron caçats qualques ans mai tard.

La Guiòla èra una de las quatre castelaniás de Roergue. Compreniá en mai de La Guiòla, Curièiras e la Roqueta de Bonaval, uèi comuna de Curièiras.

Per letras patentas balhadas lo 29 de mai de 1369, Carles V de França balhèt la castelaniá de La Guiòla e las tres autras de Roergue al comte de Rodés, Joan d'Armanhac que l'ajudèt dins la lucha contra los angleses.

Los uganauds de Chairac pilhèron La Guiòla lo 10 de genièr de 1588.

Lo comtat de Rodés anèt per eiretatge a l'ostal de Labrit. Lo comtat vendrà al domeni reial quora Enric de Navarra, comte de Rodés, vendrà lo rei de França Enric IV, en 1589.

Lo Fòrt de La Guiòla èra totjorn quihat en 1620, d'après un acte del notari Brunel, mas existissiá pas mai en 1735.

Administracion

Demografia

Luòcs e monuments

Personalitats ligadas amb la comuna

Veire tanben Comunas d'Avairon Ligams extèrnes

Nòtas

Categoria:Comuna d'Avairon Categoria:Comuna de Roergue Categoria:Comuna de Guiana