Burret (Burret en francés) es una comuna occitana del País de Fois, situada dins lo departament d'Arièja e la region d', ancianament de Miègjorn-Pirenèus.

Geografia

vignette|upright=1.8|centre|Comunas a l'entorn.

Toponimia La prononciacion es [by'ret]. Las fòrmas ancianas non son conegudas Patrici Poujade, Dictionnaire toponymique de l'Ariège, ed. IEO d'Arièja, 2021, p. 122-123. Véser la partida istòria per començar a comprene. Lo nom de Burret, absent de la mapa de Cassini, apareis misteriosament a la creacion de la comuna. Segon Dauzat, le nom de Burret es lo diminutiu d'un probable aquitanic *bur « autura, puèg » (cf. basc buru « cap »Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 214. Totis les Burrets son en Arièja o en Nauta Garona e situats sus un puèg, non pas a la cima mès al bòrn, aquí ont la penda s'accelèra; vertat qu'una partida pòdon èsser de transferiments, de noms d'origina. Segon Negre, citat per Patrici Pojada, Burret ven de l'occitan borret, « de color negrosa», mot que ven burret dins le domèni gascon e a l'entorn « de color bruna ». Segon Paul Viteau, citat per Patrici Pojada, burret designa un brau jove, una borreta, un ase (latin burrus, burricus). Patrici Pojada constata que l'explicacion de Dauzat es la mens improbabla, e mai calga admetre la possibilitat d'un sufixe diminutiu occitan [o latin !] sus una rasic preindoeuropèa, que se seriá donc conservada longtemps.

Istòria En 1790-1794, segon lo site Cassini, a la comuna del Bòsc, La Cabiròla foguèt annexada al Bòsc e en 1833, Burret venguèt comunahttp://cassini.ehess.fr/fr/html/fiche.php?select_resultat=4968. La dificultat es que la mapa de Cassini mòstra Le Bosc a l'emplaçament de Burret e la Cabirole a l'emplaçament del Bòsc; lo nom de Burret es absent de la mapa https://www.geoportail.gouv.fr/carte e apareis a la creacion de la comunahttp://cassini.ehess.fr/fr/html/fiche.php?select_resultat=6337. L'impression es que lo nom del Bòsc, mai qu'una aglomeracion, designava al còp lo territòri d'aquela parròquia boscosa (probablament las doás comunas del Bòsc e de Burret) e, solament per extension, le lòc de sa glèisa (ara Burret). Cossí lo nom de Burret foguèt imaginat per designar la comuna novèla, partida orientala e pus bassa de la granda comuna despareguda, non se sap (véser la toponimia çaquelà).

Administracion

Demografia

Luòcs e monuments

Personalitats ligadas amb la comuna

Véser tanben Comunas d'Arièja

Ligams extèrnes

Nòtas

Categoria:Comuna d'Arièja Categoria:Comuna del País de Fois