Rotier (Rottier en francés) es una comuna dau Daufinat occitan, situaa dins lo departament de Droma e la region d'Auvèrnhe Ròse Aups.
Geografia Rotier es situat a 5 km a l'est de La Mota de Chalancon (ancian chapluòc dau canton).
Comunas vesinas 400px|left|Distanças e posicion relativa
Toponimia
Atestacions istoricas Las fòrmas ancianas son Riortier en 1251, Capella de Riorterio, au sègle XIV, Cura de Rusterio, en 1415, Riorteriis, en 1452, Ecclesia Beate Marie Magdalene Rorterii, en 1509, Cura de Roterio, en 1516, Routiers, en 1570 Dictionnaire topographique de la Drôme, p. 318 https://gallica.bnf.fr/ark:/12148/bpt6k392934/f404.image.
Atestacions occitanas H.Schook a escrich Rotier en nòrma classica, e Routié dins una grafiá patesajanta per indicar sa prononciacionH.Schook, Lo Pitron, No.94, Ed. Lou Pitrou, 2012, p.3 e p.17.
Etimologia La fòrma de 1251 permet a Dauzat e Rostaing de far dau nom un equivalent de Redortiers, de redòrta (latin retorta), e de l'eretier dau sufixe -arium Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 560, a Redortiers.
Redòrta, qu'es generalament une « brancha plejaïssa servissent a formar de liams », o mai precisament sa varianta masculina dau tèrme occitan normalament femenin redortièra, designariá aicí « un boschet de sauses utilizats per far de liams », o mai generalament « un boschet de pichons arbustes, coma de romesàs, sauses, vim »JC.Bouvier, Noms de lieux du Dauphiné, Bonneton, 2002, p.181Guy Barruol, Claude Martel, Jean-Yves Royer, « Glossaire lié à la topographie et à la toponymie de Lure », in Barruol, Réparaz, Royer, p. 229.
Una explicacion similara se basa sus lo « parlar locau, "rortieu", brancha renduá mai plejaïssa per torçuá (en partiá rompuá) per liar un fais »JC.Daumas, Le pays de l'Oule, Cahiers de l'Oule - Club sportif et culturel Mottois, 2010, p.423.
Realizacion fonetica e toponim occitan Lo nom de la comuna se pronóncia [ʀu'tje]. La tombaa, regulara en vivaroaupencJC.Bouvier, Les parlers provençaux de la Drôme, Librairie C.Klincksieck, Paris, 1976, p.126, de -d- intervocalic mena a Riortièr per *Reortièr e a Rotier au prètz de doás dissimilacions.
Istòria Pendent l'Ancian Regime, Rotier èra una comunautat de l'eleccion de Montelaimar, de la subdelegacion de Crest e de la bailiá de Diá, que formava una parròquia de la diocèsi de Diá; lo vocable de la glèisa èra Santa Maria Magdalena, la cura èra de la collacion de l'avesque e los dèimes apartenián au curat. La tèrra, versemblablament desmembraa de la de Cornilhon, aperteniá en 1788 aus Bouvard de Saint-Lambert. Tanlèu 1790, Rotier èra una comuna dau canton de La Mota de Chalancon .
Administracion
Demografia
2016 : 21
Luecs e monuments
Personalitats liaas embe la comuna
Veire tanben
Liames externes
Nòtas e referéncias
Categoria:Comuna de Diés Categoria:Comuna de Droma