Lo lac BalqashDe pas confondre amb lo Lac Baikal. (Балқаш Көлі, Balqash Köli en cazac; Озеро Балхаш, Ozero Balkhash en rus) es lo lac màger de Cazacstan e lo premier d'Asia Centrala, dempuei l'assecament d'una gròssa part de la mar d'Aral.
Geografia Lo lac Balqash es situat au sud-èst dau país, au nòrd de la ciutat d'Almaty, a una altitud de . Mesura mai de de longor e sa largor es compresa entre e . Amb una superfícia que fa aproximativament , contèn aperaquí d'aiga. Pasmens, sa talha varia de contúnia. La fonsor maximala passa pas e la fonsor mejana es ren que de . La partida orientala es sensiblament pus fonsa que la partida occidentala. Son bacin idrografic s'estend subre e fa partida dau vast bacin centreasiatic que compren tanben la mar Caspiana e la mar d'Aral.
De sei sèt afluents, lo principau es lo riu d'Ili, que pren sorgent dins lei montanhas de la region autonòma chinesa de Xinjiang; venent dau sud, se trai dins lo lac per un dèlta près de son extremitat occidentala. A passat temps, fornissiá mai de 80% de l'aiga escampada dins lo Balqash. Ara sa contribucion s'es reducha, en causa de la centrala idroelectrica de Kapshagai (bastida dins leis annadas 1970) e de l'irrigacion.
Es de notar que i a pas d'emissari: lo lac es endoreïc (lei pèrdas naturalas d'aiga son degudas unicament a l'evaporacion).
Au centre dau lac, un estrech lo parteja en doas mitats. Mentre que la partida occidentala contèn d'aiga doça, lo percentatge de sau creis fins a 7 % vèrs l'èst.
De lòng dei ribas, que sa longor totala es d'aperaquí 2400 km, se tròban d'illas e de peninsulas nombrosas. Lo lac es envoutat subretot de desèrts e d'estèpas.
Lo clima de la region es netament continentau e arid amb d'estius cauds, d'ivèrns fregs (en generau, lo lac es gelat de novembre a abriu) e ben gaire de precipitacions (solament a per an).
La vila omonima, la màger de la region ( abitants) foguèt fondada en 1937 sus la riba nòrd.
Ecologia Coma la mar d'Aral, lo lac Balqash a fortament demenit pendent lei decennis passats; en 1910, sa superfícia èra encara de . De mai, es menaçat per una pollucion sevèra en causa de complèxes industriaus installats sus sei ribas.
Istòria Sota la dinastia Qing, lo lac Balqash constituissiá la frontiera nòrd-oèst de l'Empèri Chinés. Pasmens après 1871, tota la region intrèt dins l'esfèra d'influéncia russa.
Galariá
Vejatz tanben Riu d'Ili (l'afluent principau dau Lac Balqash)
Liames extèrnes Informacions geograficas e biologicas Lei relacions sinocazacas per la gestion de l'aiga
Nòtas e referéncias
Categoria:Lac de Cazacstan Categoria:Lac endoreïc