Sòrgas (Sorgues en francés) es una comuna provençala, situada dins lo departament de Vauclusa e la region de Provença-Aups-Còsta d'Azur.
Geografia
Istòria
La Segonda Guèrra Mondiala
Après la desfacha de 1940, Sòrgas faguèt partida de la Zòna Liura plaçada sota l'administracion dirècta dau regim de Vichèi. Lo conseu comunau elegit fuguèt suspendut en decembre e remplaçat per una delegacion especiala e un cònsol nomat en foncion de son adeqüacion amb leis idèas de la Revolucion Nacionala promoguda per lo manescau Pétain (conservatisme primari, antisemitisme, anticomunisme, etc.). Pasmens, la populacion aderiguèt pauc an aquela politica e se preocupèt principalament de s'avitalhar. De mai, l'estudi dei letras per la comission de censura de la Pòsta mostrèt l'aparicion rapida de sentiments proanglés e, après la batalha d'Estalingrad, de sentiments prosovietics au sen deis abitants. Mai d'un abitant ajudèt tanben de judieus. En revènge, contunièt la caça ai comunistas, començadada tre 1938, e ais estrangiers (en particular, lei refugiats espanhòus)Per exemple, lo 6 de novembre de 1940, una instruccion ordonèt lo remandament immediat de Pierre Allègre, Jean Eynaud, Jules Vache, Aimé Eugène Chazal e de 16 autrei obriers comunistas de la Pouveriera.. Fau tanben nòtar la preséncia de centenaus d'obriers vietnamians a la Pouveriera confinats dins l'usina e astrenhuts a de condicions de trabalh fòrça durasEn causa de sei condicions de trabalh, foguèron sensibles ais idèas comunistas. Aquò alentiguèt considerablament sa repatriacion après lo començament de l'insureccion comunista vietnamiana menada per Ho Chi Minh..
Après l'ocupacion totala de França en novembre de 1942, Sòrgas fuguèt ocupada per de tropas italianas desmotivadas. Aquò durèt fins a setembre de 1943 e lo començament de l'ocupacion alemanda consecutiva a la capitulacion italiana. La preséncia alemanda fuguèt pus dura amb l'arrestacion de totei lei judieus identificats dins la comuna lo 21 de març de 1944Aquò representava cinc personas. Doas moriguèron dins lei camps alemands. Cinc resistents fuguèron tanben arrestats e desportats pendant la guèrra. Totei subrevisquèron.. Pasmens, la consequéncia principala d'aquela ocupacion fuguèt la perturbacion de l'industria locala en causa de la manca de matèrias premieras. Aquela manca èra en partida organizada per leis Alemands, amb l'ajuda dau regim de Vichèi, per favorizar lo recrutament de volontaris per lo Servici de Trabalh Obligatòri (STO) en Alemanha.
En defòra dei mitans comunistas, acostumats a la clandestinitat, la Resisténcia se desvolopèt premier dins leis usinas onte leis obriers èran ostils au STO e au sen dei familhas desirosas d'ajudar au sauvament deis enfants judieus. Lo premier maquís armat fuguèt creat en 1943 per Hubert Marion. Dich maquís Faïta (ò Viala), èra un grop urban que passèt sota lo comandament dau luòctenent Paul Brunet après l'arrestacion de Marion. Inicialament compausat de quatre personas, reüniguèt quauquei desenaus de membres a la fin de la guèrra. Seis accions se concentrèron sus la distribucion de fuelhs per contrar la propaganda de Vichèi, la susvelhança dei tropas alemandas, lo raubament d'armas e de municions e lo sabotatge dei camins de fèrre e dei linhas electricas e telefonicas. Son accion de glòria es son ròtle dins l'evasion dei presoniers d'un tren blocat dins la vila lo 18 d'aost de 1944. En fàcia, lo sostèn a Vichèi fuguèt inicialament important au sen de l'eleit e dei conservators, mai demeniguèt rapidament. L'epuracion de 1945 fuguèt ansin limitada a Sòrgas a l'execucion d'un milician e a la condamancion d'un autre abitants ai trabalhs forçats a perpetuitat. Pus tard, quauquei condamnacions a l'indignitat nacionala fuguèron egalament prononciadasTanben, un metge de la vila s'engatjèt dins la Waffen-SS. Dispareguèt durant lo conflicte..
La liberacion de Sòrgas se debanèt après lo desbarcament dei tropas francoestatsunidencas en Provença lo 15 d'aost. Rapidament batuda, la Wehrmarcht se retirèt vèrs lo nòrd lòng de la vau de Ròse. Lo 8 de setembre de 1944, un conseu comunau eissit de la Resisténcia fuguèt nomat per lo prefècte.
Administracion
Demografia
Luòcs e monuments
Personalitats liadas ambé la comuna
Veire tanben Comunas de Vauclusa
Liames extèrnes
Nòtas e referéncias
Categoria:Comtat Venaicin Categoria:Comuna de Vauclusa Categoria:Comuna de Provença