Albania es lo país ont a persistit mai lo regim comunista d'economia centralizada e estatizada d'Euròpa tota. L'economia del país es una de las pus pauras d'Euròpa, sus una basa centrada en l'agricultura e la mineracion, amb de grandas centralas siderurgicas, un comèrci exterior pauc desvolopat e d'infrastructuras deficientas. Lo país coneis de dificultats degudas a la transicion cap a l'economia de mercat. La creissença economica los darrièrs ans es estada en mejana 5% l'an, e l'inflacion trobès bassa e establa.
Lo govèrn a pres de mesuras per combatre los crimes violents e a adoptat recentament de mesuras per redusir l'economia informala e atraire los investiments. L'economia es estimulada per lo pagament annal d'aperaquí 600 a 800 milions de dolars, venent subretot dels albaneses que demòran en Grècia e Itàlia. Aquesta ajuda compensa en partida lo deficit comercial.
Nòtas & referéncias categoria:Albania Albania