thumb|250px|Cesária Évora en concèrt en 2009 Cesária Évora (Mindelo, Cap Verd, 27 d'agost de 1941 – São Vicente, 17 de decembre de 2011) foguèt una cantaira coneguda internacionalament. Recebèt los escaisses de reina de la morna o mai de "divessa descauça", per encausa de sa costuma d'arribar descauça sus las scènas, biais de mostrar sa solidaritat amb las gents pauras de son país.
Biografia Cesària Évora nasquèt en 1941 dins una familha modèsta a Mindelo, vilòta commercianta de l'isla de São Vicente (Cap Verd). Los parents aviá agut cinc enfants, Cesària qu'èra la sola dròlla e quatre filhs. Son paire, Justino da Cruz Evora, èra un musician que moriguèt jove quand Cesària aviá pas que sèt ans e sa maire, Dona Joana, trabalhava coma cosinièra en çò d'una familha blanca rica. thumb|180px|left|L'ostal nadiu de Cesària a Mindelo Visquèt fòrça temps dins son enfància en cò de sa grand, qu'aviá agut una educacion religiosa fòrta, çò que portèt la joventa a se rebellar contra la morala tròp rigida e excessiva. Aguèt de frequentacions musicalas importantas que la menèron a cantar e a far de concèrts los dimenges, acompanhada al saxofòn per son fraire Lela, sus la plaça principala de sa vila. Contunhèt a progressar en cantar endacòm mai e quand aviá 16 ans, Cesária comencèt a cantar per bars e otèls e, envirada de qualques musicians locals, se ganhèt una notorietat importanta en Cap Verd, e recebèt l'escais de "Rainha da Morna" ("reina de la morna") de sos admiradors.
L'an 1975 marquèt una marrida passa per la cantaira. Aquel an que Cap Verd proclamèt son independéncia portèt a la societat mantun problèma economic e politic. Cesária quitèt de cantar e comencèt a beure abans de venir victima d'alcoolisme.
En 2004 ganhèt lo prèmi Grammy de melhor disc de world music contemporanèa. Moriguèt dins un espital de l'isla de São Vicente lo 17 de decembre de 2011 en seguida d'una insufiséncia respiratòria.
Discografia 1988 - La Diva aux pieds nus 1990 - Distino di Belita 1991 - Mar Azul 1992 - Miss Perfumado 1994 - Sodade, Les Plus Belles Mornas De Cesaria 1995 - Cesaria 1997 - Cabo Verde 1999 - Café Atlântico 2001 - São Vicente de Longe 2002 - Cesária Evora Anthology 2002 - Live in Paris (DVD) 2003 - Voz D'amor 2003 - Club Sodade - Cesaria Evora by... 2006 - Rogamar 2009 - Nha Sentimento
Ligams extèrnes
Pagina oficiala
Categoria:Cantaire de Cap Verd Categoria:Naissença en 1941 Categoria:Decès en 2011