Catalonha Nòrd (rarament apelada «la Catalonha Francesa») es la part mai septentrionala de Catalonha cedida pel Reialme de Espanha, al profièit de Reialme de França, lo 7 de novembre de 1659, en vertut del Tractat dels Pirenèus. Aquel tèrme, principalament utilizat a l'ora d'ara dins los Païses Catalans, foguèt popularizat durant los ans 1930 per l'autor nòrd-catalan Alfons Miàs, originari de Valespir. Compren las comarcas istoricas de Rosselhon, Capcir, Valespir, Conflent e de la Nauta Cerdanha, que, amb Fenolhedés, constituisson lo departament dels Pirenèus Orientals, en França.
Perpinhan es la capitala de fach de Catalonha Nòrd. La lenga tradicionala n'es lo catalan dins sa varietat rosselhonesa e lo gentilici es nòrd-catalan, nòrd-catalana.
*