Eric Astié es un escrivan e cronicaire neishut lo 14 de març de 1960 a La Tèsta de Bug. Passèt lo joenèir dens las Lanas a Parentís, apui a Castelculhèr en Òlt e Garona. Es pendent los estudis segondaris a Agen (estudièt au licèu Sant Caprasi) que descubrit la lenga e la cultura occitanas damb Crestian Rapin e tanben Marcèu Esquieu. Après estudiar l'espanhòu a Bordèu (tanben l'occitan, lo catalan e lo basco), aujut lo CAPES d'espanhòu en 1987 e estut nomat a Dieppe, on damorèt quate ans (1988-1992). Passèt lo CAPES d'occitan tanlèu sa creacion en 1992 e poscut s'entornar au país. Ensenhèt 22 annadas a Lengon l'occitan e l'espanhòu e s'engatgèt dens divèrsas associacions : CREO Aquitania, CGLO (comitat girondin de la lenga occitana), Cèrcle Occitan dau Sud Gironda, avant d'anar de partir trabalhar en Guadalope en 2014. I descobrís lo reiki (es mèste reiki shinpiden) la CNV (comunicacion non violenta), la navigacion de vela e la cultura creòla.
'Quò's un grand amator de rugbí e de lengas (basc, catalan, espanhòu). Escriu en gascon e en lengadocian, tradusís dau francés e de l'espanhòu a l'occitan. Es pair d'una hilha : Elisà.
Activitats Professor certificat d'occitan e d'espanhòu. Ancian cargat de cors a l'Universitat de Bordèu (1995-2003) Cronicaire ràdio (1992-95) e pressa escriuta. Escrivan. Animator a l'Escòla Occitana d'Estiu. President dau Cercle Occitan dau sud Gironda que creèt la Calandreta de Siron a Barsac.
Òbras Los Sorelhs de Bernard Lubat (traduccion), Princi Negue, 1997 Lo Camar Sostrar (version gascona dau Kamasûtra en collaboracion amb lo dessenhaire vasadés Tità), AAEL, 1998 Girlangues, (Les langues de Gironde : occitan, poitevin-saintongeais, romanès) Les Sous-Fifres de Saint-Pierre, 2001 Òc-Ben ! (Pedagogia : metòde d'ensenhament, coautor), CRDP, 2004 Balade en Gironde (coautor), Ed. Alexandrines, 2008 Diari d'un mes de març, IEO-IDECO, 2009. (Prèmi especiau de la jurada Jaufre Rudel 2010). Astrologia Negra (traduccion) Edite-moi, 2014 Journal d'un mois de mars, Edilivre, 2018 Publicacions dens Lo Leberaubre, Reclams, Pais Gascons, Lo Diari e Jornalet. Cronicas dens La Setmana devath lo pseudonima Pèir Veishiga. Poësias
Categoria:Naissença en 1960 Categoria:Escrivan occitan del sègle XX Categoria:Escrivan occitan contemporanèu