Mansonvila (Mansonville en francés) es una comuna gascona de Lomanha, situada dens lo departament de Tarn e Garona e la region d', ancianament de Miègjorn-Pirenèus.

Geografia

vignette|upright=1.8|centre|Comunas a l'entorn. Perimètre deu territòri

Toponimia Mansonvila. Las fòrmas ancianas son nombrosas : Sancta Maria de Mansiovilla, en 1062, Mansionvilla, en 1081, ecclesia sancti Saturnini Mancio Villa, en 1096, Mansionisvilla, en 1097, Raimundi Seguini de Manso Vila, en 1135, Sancti Saturnini de Mansionis Villa, en 1240, lo castet e la honor de Mançumuila, en 1274, codominis de Manconisvilla, en 1343, Mantonisvillae, en 1381, Mansonvilla, en 1532 e 1645, Sanctus Saturninus de Mansionis Villae, en 1645, ab la senhoria de Mansonvila, sense data. Lo segond element, vila, ven deu latin villa, a l'origina « ostau de campanha », puèi « domeni rurau », « vilatge » a l'Edat Mejana per arribar au sens actuau Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 185. Meilèu que lo latin mansio, « abitarèla, aubèrga », lo prumèr element seré un nom de persona germanic, cas generau damb vila, Manzo (Dauzat) o Menizo (Negre), los dus au cas regime, donc acabats per -on . Dens aquera partida de Gasconha, i a pas lo resultat de la diftongason de villa en vièla o en viala com dens plan de parlars occitans; vila es donc ua fòrma estandardizada.

Gresàs (grafia de Burgan e Lafon, que correspon a la prononciacion [gre'zas]). Las fòrmas ancianas son la gleya de Gresan, en 1265, Gresaca en 1318, Sanctus Orentius de Grezas, Grezas (mapa Cassini e en 1801). Lo nom es un derivat deus mots occitans gres (nom d'una ròca) e gresa, « terrenh peirós », deu francic greot, « grava, sable », damb lo sufixe -anum. Un còp lo nom au plurau, damb un sens collectiu (los abitants de Gresan), l' n s'amudeish davant l's.

Istòria En 1821, lo territòri de la comuna de Grezas (nom francés, occitan Gresàs) estó annexat a Autvilar http://cassini.ehess.fr/cassini/fr/html/fiche.php?select_resultat=16181, a Mansonvila (la glèisa i es) e benlèu a d'autas comunas (Burgan e Lafon senhalan parroquians de Gresàs a Bardigas e a Sent Antòni deu Pont d'Arrats per l'annada 1852 ).

Administracion

Abans la refòrma cantonala de 2014, aplicada en 2015, la comuna èra deu canton de La Vit de Lomanha; es ara deu canton de Garonne-Lomagne-Brulhois (en francés), donc de Garona Lomanha Brulhés.

Demografia

Demografia Gresàs L'anciana comuna de Gresàs es en partida dens la comuna de Mansonvila. 1800 : 291 abitants 1806 : 380 abitants 1821 : 331 abitants

Lòcs e monuments

Personalitats ligadas damb la comuna

Véser tanben Comunas de Tarn e Garona Ligams extèrnes

Nòtas

Categoria:Comuna de Gasconha Categoria:Comuna de Tarn e Garona