Lo milh, (Zea mays) es una planta de la familha de las graminèas (bauca) que pòt aver sièis mètres d'altitud, mas normalament atenh dos mètres. Las fuèlhas, pus grandas que la majoritat de las graminèas, enròdan la cana. Fa de flors masculinas e femeninas, e de grans dins de cariopsi dispausats en linha. Cada fila pòt variar entre uèch e trenta grans. Lo milhòc es originari d'America, e foguèt la basa alimentària de las civilizacions precolombinas de clima tropical o subtropical.
Noms vernaculars L'occitan coneis diferentas variantas dialectalas: milhòc, milhàs, milhòca, milgròs, blat d'Espanha, blat de Turquia, blat (de) turc, blat turqués, turguet, blat de Barbaria, blat maure, blat (de) mòro, blat del Levant, blat de las Índias, indon, blat amar, blat marés, gròs milh, gròs blat, blat roge o encara en lemosin bigarraud o bigarroelh (var. bigarreu, bigarrat, garrolh)
vinheta|esquèrra|300px|Plantacion de milh
Categoria:Poaceae Categoria:Milh Categoria:Planta utila Categoria:Planta medicinala Categoria:Flòra (nom vernacular) Categoria:Cereala