Marcilhac (Marcillat en francés) z-es una comuna auvernhata dau departament dau Puèi de Doma e la region d'Auvèrnha-Ròse-Aups.

Geografia La comuna compren daus replanats trauchats per de combas plòndas e estreitas. Los travèrs de las combas son boscós. La populacion se concentra dins le borg e dins daus vialatges coma Fosse (en francés), Mathas (en francés), Outre (en francés), Salpaleine (en francés), Le Poget, sovent tan poblats coma le borg. Le vialatge que mai se desvolopa es Fosse a causa de l'installacion de novèls abitants, le mai sovent dins de maisons individualas recentas : segon le tesmonhatge d'un abitant, Fosse aviá pas pus de 13 abitants a l'entorn de 1980 e n'auriá quauquarren coma 80 avora (en 2017). Fosse es le vialatge le mai près de la RD 2144 (anciana RN 144), prolonjament de l'auto-rota A 71 que mena vès Riòm e a l'aglomeracion clarmontesa a partir de l'eschamjador de Combronde.

Perimètre dau territòri

Toponimia Las atestacions ancianas son Marcilhac (1132), Marcillac (1287), Marcilhat (1373), Marcilhiaco (1392), Marcilhiaci (1467) e Marsillat (1789).

Marcilhac ven d'un nom latin d'òme, Marcilius o Marcellius, embei le sufixe -acu(m)Albèrt Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 433Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 122 e 149 (per d'autres Marcilhac), latinizacion dau sufixe gallés -āco(n). Èra donca probablament una anciana granda propietat antica qu'aviá per mèstre Marcilius o Marcellius. La finala -ac, coma un pauc pertot en Auvèrnha, Lemosin, etc, s'es afeblida en -at, davant la disparicion completa de la consonanta finalam aquel chamjament se deu pas escriure.

Dins le parlar de la comuna, se ditz [marsiˈja], vèrs Punçac [marsiˈʎɒ] e vèrs Verjac [marʃiˈjɒ]Collectatges IEO 63..

Istòria

Administracion

Abans la refòrma cantonala de 2014, aplicada en 2015, la comuna èra dau canton de Menat; es avòra dau canton de Saint-Georges-de-Mons (en francés).

Demografia

Luòcs e monuments

Personalitats liadas a la comuna Elements de lenga Informacions notadas le 16 de juenh 2017 vèrs Salpaleine (nom francés) e vèrs Fosse (nom francés), embei d'informators qu'avián una coneissença passiva de l'occitan; la transcripcion ne'n es pas totjorn segura. [vel kar] = vai le quèrre (reduccion de diftongue) [ʒow] (le jau, Sent Jau) : afebliment de diftongue [n sab rə] = ne'n sabe ren [rə do tu] = ren dau tot [zə sabə mə kwɛj ka mɛ̃'ʒa la sypa dow ʃi] : z-o sabe me (quau) quò es qu'a menjat la sopa dau chin. [le'via] = l'ivèrn.

Veire tanben

Liams extèrnes

Nòtas e referéncias Nòtas

Referéncias

Categoria:Comuna d'Auvèrnhe (Occitània) Categoria:Comuna dau Puèi de Doma