Lai e LamidonToponimia Occitana (Institut d'Estudis Occitans) : IEO_BdTopoc : http://bdtopoc.org (Lay-Lamidou en francés) qu'ei ua comuna bearnesa administrada peu departament deus Pirenèus Atlantics de la region de Navèra Aquitània, ancianament d'Aquitània.
Geografia vignette|upright=1.8|centre|Comunas a l'entorn.
Toponimia Lai La prononciacion qu'ei [laj]. Las fòrmas ancianas que son Lai cap a 1100, Laye en 1205, Lay en 1385 e 1412, Lay (mapa de Cassini, a la fin deu sègle XVIIIau), Lay-Lamidou despuish lo 18 d'abriu de 1842, data de la fusion de las duas comunas Michel Grosclaude, Dictionnaire toponymique des communes du Béarn, Escòla Gaston Febus, 1991, p. 242-243.
Lo diccionari de Simin Palay (p. 608) que horneish duas solucions : lay, -e, « laïc ». Nom de persona; laye, « petita espandida de terren planèra, au costat o au som d'ua sèrra ». Nom de lòc e de persona .
Segon Dauzat, Lai qu'ei suu Layon (nom francés), nom d'arriu Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 393.
Miquèu Grosclaude qu'arrefusa l'explicacion deu Dauzat : se lo nom deu vilatge e venè deu nom de l'arriu, qu'ei eth que portaré lo sufixe e non pas lo contrari. La segonda ipotèsi de Palay qu'ei a eliminar, pr'amor lo vilatge ei pas sus un costalat e pr'amor lo mot laye ei femenin. Que demora l'ipotèsi antroponimica (d'un nom de persona); lo nom qu'ei atestat en Bearn . Lamidon La prononciacion qu'ei [lami'du]. Las fòrmas ancianas que son Lamito (au sègle XIau), Laymidoo en 1376, Lamidoo en 1385, Lamidon en 1546, Lamidon (mapa de Cassini, a la fin deu sègle XVIIIau), Lay-Lamidou despuish lo 18 d'abriu de 1842, data de la fusion de las duas comunas Michel Grosclaude, Dictionnaire toponymique des communes du Béarn, Escòla Gaston Febus, 1991, p. 242.
Segon Lemoine, lo nom vien de « lana » (de landa) e de midou, « au miei » .
Segon Miquèu Grosclaude, lo mot medoo/medon qu'ei frequent dens l'onomestica bearnesa : carrèra deu Castet Medoo a Pau, Arriu medou, Poeymedou (patronime). Aqueth mot ei pas estat explicat. Grosclaude qu'u interprèta per « au miei », mès com passar deu latin medium a mito, midoo, medoo Comparar dab Lo Pot, en Gironda, interpretat com podium.? La prumèra partida deu nom ei pas lo nom de Lai, vilatge vesin, a despieit de l'atestacion de 1376. Non cred pas tanpauc a ua reduccion de lana (cf. Lemoine), qu'i ved meilèu lar (= casa, ostau), per analogia dab lo nom de persona Salamitou (espandit precisament a l'entorn de Navarrencs), pr'amor la prumèra partida qu'a tanben lo sens de « casa » .
Istòria
Administracion
Demografia
Lòcs e monuments Personalitats ligadas dab la comuna Véder tanben Comunas deus Pirenèus Atlantics
Ligams extèrnes
Nòtas
Categoria:Comuna de Bearn Categoria:Comuna deus Pirenèus Atlantics