Un negociador immobiliari, al femenin negociairitz immobiliària es la persona que, dins una agéncia immobiliària negocia e òbra per acordar lo vendeire e lo crompaire eventual d'un ben immobiliari. Trabalha sos la responsabilitat de l'agent immobiliari, sol responsable davant los seus mandants, mai que mai los vendeires. A la diferéncia d'un agent comercial l'estatut de negociador, en França, correspond a un estatut d'emplegat. Amb l'experiéncia lo negociador passa quadre e pòt venir director de las vendas, associat o director d'agéncia (entre autres).
Lo prètzfach d'un negociador immobiliari En qualques mots sonca: sollicitar (la sollicitacion consistís a obténer de bens novèls per vendre) avalorar los bens (la tendéncia es de reservar l'us del mot "estimacion" per las avaloracions de l'expèrt immobiliari) redigir las anóncias e publicitats informar los crompaires eventuals dels nòus bens far visitar los bens presentar las ofèrtas negociar eventualament redigir los contractes de venda jol contraròtle de l'agent immobiliari o del director de las vendas assegurar lo seguiment dels dorsièrs fins a la signatura notoriala assegurar lo rendètz-vos entre las partidas e lo o los notaris, mai lo transferiment dels fons assegurar la relacion comerciala per delai la venda
Dins d'unas agéncias que sián tanben corratièr en asseguranças e corratièr en prèstes: negociar un prèst immobiliari (lo taus, ipotèca o pas) negociar una assegurança de prèst
Ligams intèrnes Agent immobiliari
Categoria:Immobiliari