Lo periòde d'Obeïd es una epòca protoistorica de Mesopotamia Anciana situada aperaquí entre 6500 e 3750 avC. Son site principau es Eridu amb 19 nivèus d'ocupacion. Aqueu periòde es devesit en cinc epòcas pus pichonas : Obeïd 0. Obeïd 1 onte la cultura d'Obeïd foguèt presenta en Bassa Mesopotamia a l'entorn d'Eridu. Foguèt similara a la cultura de Samarra mai presentèt ja de diferéncias. Obeïd 2 onte la cultura d'Obeïd se desvolopèt e se mesclèt ai culturas de Samarra e de Tell Halaf. Obeïd 3 quand la cultura d'Obeïd se desvolopèt egalament en Mesopotamia Auta e sus lei ribas de la Mar Mediterranèa. Lei vilatges èran pas encara de vilas mai lor talha e lor organizacion venguèron pus importantas. Aquela epòca foguèt tanben marcada per l'aparicion dei premiers cementèris. Obeïd 4 onte lei premiers temples son fachs a Eridu e belèu Uruk. De mai, l'agricultura aigada permetèt una aumentacion dei concentracions umanas.
Liames intèrnes
Mesopotamia. Periòde d'Uruk.
Bibliografia
(en) Robert A. Carter e Graham Philip, Beyond the Ubaid : Transformation and Integration in the Late Prehistoric Societies of the Middle East, Chicago, The Oriental Institute of the University of Chicago, 2010.
Nòtas e referéncias