Lei Jornadas de Junh son un movement de revòuta armada de la populacion parisenca còntra la decision dau govèrn francés de sarrar leis Obredors Nacionaus. L'armada foguèt mandada per reprimir la revòuta e de combats se debanèron dins París dau 22 au 26 de junh de 1848. S'acabèron per una repression saunosa dei revòutats. Aqueleis jornadas marquèron una rompedura prefonda entre la classa obriera e lo poder de la Segonda Republica que va favorizar l'eleccion de Napoleon III.