L'arianisme o arrianisme (castelhanisme) èra una tendéncia teologica dau cristianisme basada sus leis estudis e leis ensenhaments d'Ari (256-336). Fòrça populara pendent l'Empèri Roman e lei premiers sègles de l'Edat Mejana, foguèt qualificada d'eretgia au sègle IV. Pasmens, aquela condemnacion foguèt pas sufisenta car mai d'un emperaire roman, coma Constantin I, o mai d'un pòble barbar coma lei gòts èran arians. Ansin, una tiera de concilis se debanèron dins lo corrent dau sègle IV sus la question ariana que foguèt finalament condemnada definitivament. Puei, la desparicion dei reiaumes barbars arians entraïnèt la de l'arianisme.
Categoria:Glèisa crestiana Categoria:Cristianisme