Valerian (vèrs 190 - après 260) foguèt un emperaire roman que reinèt d'aost de 253 a 260. Succediguèt a Emilian e foguèt remplaçat per son fiu Gallien.
Rèine Senator e militar, Valerian èra un luòctenent de Deci. Durant lo rèine de Trebonian Gal, foguèt cargat de reprimir l'usurpacion d'Emilian mai foguèt a son torn proclamat emperaire per sei legions. Après una guèrra civila brèva, Trebonian Gal e son fiu foguèron capturats e assassinats per lei tropas d'Emilian. Puei, Emilian, que teniá d'efectius inferiors a Valerian, foguèt egalament abandonat per sei fòrças e assassinat. Ansin, Valerian venguèt emperaire en aost de 253.
Son fiu Gallien foguèt rapidament associat a son rèine coma coemperaire e l'Empèri foguèt partejat entre lei dos òmes per melhorar sa defensa. D'efèct, la proteccion dei frontieras foguèt l'element centrau de sa politica. Pasmens, foguèt capturat a la batalha d'Edessa en 260 durant una guèrra còntra l'emperaire Sassanida Shapur I. Moriguèt en captivitat dins de circonstàncias mau conegudas.
Liames intèrnes
Batalha d'Edessa (260). Crisi dau sègle III. Empèri Roman. Lista deis emperaires romans.
Bibliografia
Nòtas e referéncias
Categoria:Emperaire roman Categoria:Cap d'estat dau sègle III Categoria:Senator de l'Empèri roman