La Guèrra dei Dètz Jorns o Guèrra d'Independéncia Slovena se debanèt dau 27 de junh au 6 de julhèt de 1991 entre Iogoslavia e Eslovènia. Foguèt la premiera guèrra dau conflicte d'Iogoslavia. Foguèt entraïnada per la declaracion d'independéncia eslovena e son refús per leis autoritats centralas de Belgrade. L'armada federala foguèt cargada de reconquistar la region mai se turtèt a una resisténcia importanta dei fòrças eslovenas. De mai, deguèt faciar lo problema de la desercion dei soudats eslovèns e la manca de motivacion de la màger part deis autrei soudats. Ansin, fòrça soudats federaus preferiguèron capitular sensa combat vertadier. Un alta-au-fuòc foguèt signat lo 4 de julhèt e l'independéncia eslovena oficialament reconeguda lo 7.