La Guèrra en Croàcia se debanèt dau 17 d'aost de 1990 au 12 de novembre de 1995. Foguèt entraïnada per la proclamacion d'independéncia de Croàcia. Au començament, opausèt Croàcia a l'armada federala d'Iogoslavia. Pasmens, pauc a pauc, dins lo corrent de procès de desintegracion iogoslau, opausèt Croàcia a la minoritat sèrba croata, sostenguda per Serbia. S'acabèt per una victòria de Croàcia que confirmèt son independéncia. Aqueu conflicte foguèt caracterizat per un nombre gròs de crimas de guèrra e de crimas còntra l'umanitat.