thumb|250px|Haruki Murakami durant una conferéncia en 2005 Haruki Murakami (en japonés: 村上 春樹; Kyoto, 12 de genièr de 1949) es un escrivan e traductor japonés. Es un dels autors contemporanèus japoneses mai famoses e sos libres son dins las melhoras vendas mondialas. Sas òbras li an valgut d'obtenir mantuna recompensa literària coma lo Prèmi Franz Kafka, lo Prèmi Internacional Frank O'Connor de Racontes e lo Prèmi Jerusalèm, demest mantun autre. Murakami es estat tanben lo traductor de mantuna òbra de l'anglés al japonés coma per exemple The Long Goodbye de Raymond Chandler o Breakfast at Tiffany's de Truman Capote. Una de sas òbras màgers es 1Q84 que se vendèt a mai d'un milion d'exemplars en un mes. Lo jornal anglés The Guardian faguèt l'elògi de Murakami e diguèt d'el qu'èra "demest los melhors romancièrs contemporanèus del mond".
Òbras 風の歌を聴け (1979) 1973年のピンボール (1980) 羊をめぐる冒険 (1982) 世界の終りとハードボイルド・ワンダーランド (1985) ノルウェイの森 (1987) ダンス・ダンス・ダンス (1988) 国境の南、太陽の西 (1992) ねじまき鳥クロニクル (1995) スプートニクの恋人 (1999) 海辺のカフカ (2002) アフターダーク (2004) 1Q84 (2009) 色彩を持たない多崎つくると、彼の巡礼の年 (2013)
Categoria:Escrivan japonés