La batalha d'Idaspes se debanèt en julhet de 326 avC sus lei ribas dau riu Jhelum entre l'armada macedoniana d'Alexandre lo Grand e l'armada dau raja paurava Pòros. S'acabèt per una victòria macedoniana e per la destruccion de la màger part de l'armada de Pòros. Aquò permetèt l'annexion dei províncias orientalas de l'Empèri Pèrsa e la vassalizacion de divèrs caps dau nòrd-oèst d'Índia. Pasmens, a causa de sei pèrdas, l'armada macedoniana poguèt pas contunhar sa campanha en direccion de l'èst e se deguèt retirar vèrs Babilònia.