Leis insureccions federalistas son una tièra d'insureccions que se debanèron en França durant la Revolucion Francesa après l'eliminacion dei deputats Girondins per lei Montanhards entre lo 31 de mai e lo 2 de junh de 1793. Se lo movement foguèt aisament vencut en Normandia, la Vau de Ròse necessitèt la mobilizacion de fòrças importantas per sometre Lion e Provença. Segon la situacion, lei federalistas formèron d'alianças ambé lei reialistas coma a Nantes o a Tolon. La repression foguèt saunosa e lo movement federalista totalament esquichat.