thumb|right|Passapòrt modèrne de la Republica Francesa.
Un passapòrt es un document de circulacion donat per un govèrn a sei ciutadans. Es un element important de la sobeiranetat deis Estats modèrnes. Permet d'atestar la nacionalitat d'un individú e de contrarotlar lei migracions.
Es un document ancian que son existéncia es atestada tre lo sègle XIV. A l'origina, èra destinat a facilitar la circulacion dei marchandisas. S'apliquèt a la circulacion deis individús a partir de la segonda mitat dau sègle XV. Prenguèt sa forma actuala dins lo corrent dau sègle XIX amb l'emergéncia deis Estats-nacions modèrnes. La Premiera Guèrra Mondiala (1914-1918) aguèt un ròtle centrau dins sa generalizacion. Après la Segonda Guèrra Mondiala, la forma dei documents foguèt pauc a cha pauc uniformizada amb l'adopcion de nòrmas internacionalas comunas per leis Estat.
Liames intèrnes
Ciutadanatge. Estat.
Bibliografia
(en) Patrick Bixby, License to Travel: A Cultural History of the Passport, University of California Press, 2023. (en) Martin Lloyd, The Passport: The History of Man's Most Travelled Document, Canterbury, Queen Anne's Fan, 2008.
Nòtas e referéncias