Lei Quatre Libres e Cinc Classics son un ensems d'òbras que forman la basa dau confucianisme.
Lei quatre Libres son : Lun Yu (en occitan Leis Entretenhs de Confuci) qu'es un recuelh de senténcias que forman la basa de la morala e de la filosofia dau confucianisme. Daxue (en occitan Lo Grand Estudi) que tracta de questions socialas e politicas. Zhong Yong (en occitan Lo Mitan invariable) que tracta deis interpretacions metafisicas dau confucianisme. Mengzi (en occitan Lo Mencius) que tracta de filosofia. Lei cinc classics son : Yi jing (en occitan Lo Libre dei mutacions) que tracta de divinacion. Shu jing (en occitan Lo Canon de l'Istòria) qu'es un recuelh de documents istorics ancians. Li ji (en occitan Lo Libre dei Rites) que tracta dei rites regardant la societat, la politica e l'administracion. Shi jing (en occitan Lo Canon dei Poèmas) qu'es una antologia d'aperaquí tres cents tèxtes escrichas entre lei sègles XI e V avC. Chun qiu (en occitan Leis Annaus dei Primas e deis Autonas) qu'es una cronica dei rèines dei dotze princes de l'Estat de Lu entre 722 e 481 avC. Lo Canon de la Musica, totalement perdut dins lo corrent dau periòde de destruccion dei libres decidit per l'emperaire Qin Shi Huang a la fin de son rèine, es de còps considerat coma lo seisen classic.
Liames intèrnes
Confucianisme.
Bibliografia
Nòtas e referéncias
Categoria:Confucianisme