Lo collègi électoral designa un grop de personas restrenh avent las mèsmas qualitats e participant a una eleccion. Los membres d'aquel grop pòdon èsser designats o elegits. Dins aquel darrièr cas, es lo vòte indirècte, perque lo collègi (que los membres son a vegada nomenats grands electors) es lo representant de las personas los avent elegit.
Segon los sistèmas politics, aqueles representants pòdon aver pas per unic mandat la participacion a l'eleccion, mas essent tanben partit d'una autra organizacion o entitat politica. Fòrça païses creèron un collègi electoral per d'unas eleccions a una foncion o un mandat politic.
Elegits d'aquel biais, aqueles grands electors serián mai savis, mens subjèctes al populisme e farián atal una melhora causida qu'un còs electoral mai larg.
Autre sens En Alemanha, lo Grand Elector èra tanben lo nom donat a Frederic Guilhèm Ièr.
Organs elegits
Parlament En França per exemple, lo Senat francés es elegit per grands electors, que son los deputats, los conselhièrs regionals e general, los delegats dels conselhs municipals Le collège électoral sénatorial, sul site del Senat francés e los representants dels Franceses a l'estrangièr.
Govèrn En Soïssa, lo Conselh federal (tanben somenat lo cap de l'Estat de sèt caps a causa de sa collegialitat) es elegit per un collègi electoral, nomenat Assemblada Federala e compausat de la reünion del Conselh Nacional e del Conseil dels Estats.
Cap d'Estat Dins fòrça Estats, los grands electors designan lo cap d'Estat: en Alemanha, lo president federal es elegit al vòte indirècte per l'Assemblada federala (Bundesversammlung) compausada per mejana dels deputats del Bundestag e de representants elegits pels Landtage ; als Estats Units d'America, de grands electors designan lo président ; en França, lo primièr mandat del president de la Cinquena Republica foguèt attribuit per un collègi de grands electors (parlementaris, conselhièrs generals e representants dels conselhs municipals).
Referéncias
Vejatz tanben Article connèxe Ligams extèrnes Projet ACE Le collège électoral