Lo vòl Germanwings 9525 es un vòl regular entre Barcelona e Düsseldorf assegurat per la companhiá alemanda Germanwings. Lo 24 de març de 2015, l'avion Airbus A320 amb 144 passatgièrs e 6 membres d'equipatge que cobrissiá aqueste trajècte s'espotís en Provença, sus la comuna de Prats de Blèuna Auta, prèp de la localitat de Barcilona de Provença. Cronologia del vòl thumb|Trajectòria del Vòl 9525 de Germanwings L'avion s'enlairèt cap a 09:00:00 UTC de l'aeropòrt de Barcelona-El Prat; seguiguèt la meteissa rota que la velha e atenguèt cap a 09:26:00 UTC son altitud de crosièra d'aperaquí () e una velocitat de près de ().
Cap a 09:31:00 UTC, l'avion debutèt una davalada d'aperaquí un quilomètre d'altitud per minuta. Los contrarotlaires aerians perdiguèron definitivament lo contacte ràdio amb l'avion. La procedura de recèrca de l'aparelh per un avion de caça de l'armada de l'aire francesa foguèt aviada, de badas. Un elicoptèr de la gendarmariá completèt aquel primièr dispositiu d'urgéncia.
Cap a 09:38:00 UTC, l'aparelh èra a (), a una velocitat de ().
Pauc après, l'aparelh s'espotiguèt a d'altitud dins lo massís aupenc dels Tres Evescats, sus lo territòri de la comuna de Prats de Blèuna Auta, entre Dinha e Barcilona de Provença, dins los Aups de Nauta Provença. La companhiá Germanwings anóncia aver perdut lo contacte a 10:53 h.
Segond l'enquèsta judiciària, es lo copilòt que, per una rason desconeguda, s'embarrèt dins la gabina e dirigiguèt l'avion cap a la montanha.
Nòtas
Categoria:Accident e incident aerians