Lei Santei Marias de la Mar (pron. [sẽⁿto marˈịo de la mar]http://symila.univ-tlse2.fr/alf/lieux/543/show) o correntament Lei Santas (Les Saintes-Maries-de-la-Mer en francés)La Vila de la Mar / Nòstra Dòna de la Mar en occitan medievau. es una vila e estacion balneària d'Occitània, en Provença, qu'es tanben un luòc de romavatge, situada dins lo departament dei Bocas de Ròse e la region administrativa de Provença-Aups-Còsta d'Azur.

La vila se situa en Camarga, en riba de la Mar Mediterranèa, aperaquí a 1 km a l'èst dau bocau dau Pichon Ròse.

Istòria thumb|left|200px|La glèisa fortificada. La legenda crestiana cònta qu'un grop d'amics de Jèsus Crist (e entre elei, lei tres Marias, autrament dich, lei Santas) foguèron forabandits de Judèa subre una barca sens vela ni ancora ni timon per èsser perduts e negats en auta mar, mai que Dieu lei menèt aicí, en Provença ont evangelizèron lo país.

L'escrivan latin Rufus Festua Avuenus mençona un oppidum sonat Oppidum priscum Ra au luòc dei Santas de uei.

Au sègle VI un mostier i foguèt fondat.

Un grop de Vikings passèron lo dur ivèrn de 859-860 avant de saquejar la contrada.

En 869 lo còrs de Rotland, Evesque d'Arle, foguèt tornat ai crestians per lei Sarrasins, probablament ai Santas.

La glèisa fortificada foguèt bastida a partir dei sègles XI e XII.

En 1448 subre iniciativa dau rei Rainier, lei relíquias dei Santas foguèron cercadas puei trobadas en preséncia dau legat dau Papa Pèir de Fois. thumb|200px|left|Santa Sara, la verge negra A la Revolucion la glèisa foguèt deteriorada (puei restaurada au sègle XIX).

Au sègle XIX lei Santas venguèron un luòc de romavatge dei gitans qu'i adòran Santa Sara la verge negra.

Lo baron Folco de Baroncelli-Javon s'i installèt e Vincent van Gogh i pintèt lei plajas e lei barcas. thumb|200px|left|La mar dei Santas per Vincent Van Gogh

Geografia

Lei Santei Marias de la Mar se situan en Provença, subre la riba mediterranèa, en Camarga e a aperaquí un quilomètre a l'èst de la desbocadura dau Pichon Ròse. La comuna, fòrça espandida, compren mai que mai de tèrras alluvialas e de paluns. Lei tèrras agricòlas se situan a l'oèst, lòng dau Pichon Ròse e lei paluns a l'èst onte se tròba l'estanh dau Vacarés. Lei Santei Marias de la Mar son religadas a la vila d'Arle, distanta de 38 km, per la RD 570 e a la pichona Camarga vèrs Aigas Mòrtas e Montpelhièr per lo bac dau Sauvatge, lo pònt de Selvareau e lo pònt de Sant Geli. Una pista permet d'accedir au far de la Gachòla e a aquelei de Beauduc e de Faraman. I a pas de gara mai una linha d'autocars publics permet d'accedir totei lei jorns (quitament lo dimenge) a ArlePDF donant lei oraris dei cars (e autras informacions). La comuna viu subretot de l'agricultura, de l'elevatge (cavaus, buòus) e dau torisme. La vila bastida a l'entorn de la glèisa dei sègles XI e XII foguèt longtemps embarrada dins sei barris, e sèrva encara uei de traças d'aqueu passat istoric dins la configuracion de seis andronas sovent estrechas.

Administracion

Demografia

Luòcs e monuments

Personalitats liadas ambé la comuna Folco de Baroncelli-Javon

Veire tanben

Liames extèrnes

Nòtas

Categoria:Comuna de Camarga Categoria:Comuna dei Bocas de Ròse Categoria:Comuna de Provença