Gérard Onesta, nascut lo 5 d'agost de 1960 a Albi, es un òme politic francés, membre d'Euròpa Ecologia Los Verds.

Biografia

Enfança e formacion Filh d'imigrat, la branca pairala de sa famillha foguèt caçada d'Itàlia pel faissisme, Gérard Onesta faguèt d'estudis scientifics a Albi, e a Tolosa. Diplomat Arquitècte DPLG en 1984, dirigiguèt de 1985 a 1999 una agéncia d'arquitectura a Albi.

Activitat de militança En 1988 es cofondator la Federacion dels joves ecologistas europèus. Es membre del Conselh nacional dels Verds a partir de 1987 e fins a 1999, e tanben responsable de las questions institucionalas (democracia, mena de vòte, reglaments, rapòrts amb lo poder…) de 1989 a 1999. Ocupa tanben lo pòste de pòrta vòtz del partit per la region Miègjorn Pirenèus de 1991 a 1992, puèi al nivèl nacional francés entre 1994 e 1995.

Tanben ensagèt de valorar los enjòcs europèus e verds al nivèu internacional, per exemple en redigissent un rapòrt suls pòbles indigènas, creant un planisfèri alternatiu presentant los pòbles del mond, o encara en participant a la Conferéncia de Rio de 1992.

Planisfèri alternatiu Crea un planisfèri que nomena « Planèta tèrra »« Planisphère Onesta ». Es una projeccion cartografica qu'utiliza lo meteis procediment de calcul que la Projeccion de Peters« PLANÈTE TERRE - TAROT ECOLO », sur lesverts.fr. Es a dire que vòl prene en compte la talha vetadièra dels continents. La projeccion de Mercator, per causa de las distorsions, fa pareisser Russia mai granda qu'Africa alara qu'aquela darrièra a una superfícia de gaireben 30 milions de km² e la Russia de 17 milions de km³.

D'autras diferéncias son notabla al respècte de la representacion Mercator « Une autre vision du monde », sur creations-revenudebase.org,« Le planisphère "planète terre" (alternatif, renversant) », sur david.mercereau.info: Limitas: zonas naturalas (formacions vegetalas) e non pas frontièras estatalas; Umans: nom dels pòbles e non pas dels estats quitament s'es incomplet: la riquesa umana dins aquel domèni podent pas esser presentada tota; Ròsa dels vents: sud cap al naut e non pas cap al bas, procediment non convencional. Lo procediment vòl tornar sus las convencions e donar una autra presentacion del mond.

Carrièra politica Se definissent coma federalista europèu de fòrta sensibilitat regionalista, Onesta es elegit en 1999 al Parlament europèu, ont seta dins lo grop dels Verds/Aliança liura europèa. Ongan es tanben elegit Vice president del Parlament europèun. Demora a aquel pòste pendent detz ans.

Membre de la Comission dels afars constitucionals del Parlament, foguèt fòrça implicat dins lo debat constitucional, e militèt per l'« Òc » pel Tractat establissent una Constitucion Europèa. Enseguida amb la voictòria del « Non », contunhèt a participar al debat public, fasent un apublicacion de son Plan A+, per contunhar lo procediment constitucional europèu.

Al Parlament europèu, sovent portèt de rapòrts per far mai transparent e participatiu lo foncionament de l'institucion. E tanbe  coma Vice president, contribuiguèt a donar un cadre legal al trabalh dels assistents parlementaris, e a far adoptar a l'institucion una dralha novèla per melhorar l'impacte environamental de totas sas activitats, amb la Norma EMAS.

En 2009, la tièra dels eurodeputats franceses plaça Gérard Onesta en primièr per son trabalh e sa preséncia« Fainéants ou bosseurs : quel est le bilan des eurodéputés ? », sur Rue89,‎ 18 mai 2009 (consulté le 14 décembre 2015). Entre julhet de 2007 e junh de 2008, es present a 100% de las sesilhas« Tops flops tricolores au Parlement européen », sur Lexpress.fr,‎ 16 juillet 2008 (consulté le 16 septembre 2014). Amb la socialista Martine Roure e lo conservator Alejo Vidal-Quadras, fa partit dels tres deputats a votar en favor d'une publicacion sul còp de las listas de preséncia en comission« L'absentéisme en commission parlementaire, le grand malaise des députés européens », sur Liberation.fr,‎ 22 mai 2009 (consulté le 16 septembre 2014).

Per las eleccions europèas de 2009, « Daissa » la plaça de líder ecologista dins la circonscripcion Sud-Oèst a José Bové qu'aviá sostengut sa candidatura a las eleccions precedentas.

Per la eleccions regionalas de 2010, es cap de lista d'Euròpa Ecologia en Miègjorn Pirenèus e elegit conselhièr. Es encara al cap d'una liste d'alliança entre Euròpa Ecologia Los Verds, la Novèla Esquèrra socialista, lo Front d'esquèrra, lo Partit occitan e l'Esquèrra Republicana de Catalonha per las eleccions regionalas de 2015 dins la nòva granda region Lengadòc Rosselhon Miègjorn Pirenèus. Fusiona al segond torn amb la lista socialista de Carole Delga qu'es elegida.

Vida personala Son cosin« Penser avec les mains », sur Libération.fr,‎ 8 janvier 2011 (consulté le 7 décembre 2015) Claude Onesta (nascut en 1957) es lo selectionaire de l´equipa de França d'handball.

Notas e referéncias

Veire tanben Articles connèxes

Ligams extèrnes Son site oficial « Gérard Onesta », sus la basa de donadas dels deputats al Parlament europèu

Categoria:Personalitat d'Euròpa Ecologia Los Verds Categoria:Deputat europèu membre dels Verds (França) Categoria:Conselhièr regional d'Occitània Categoria:Conselhièr regional de Miègjorn-Pirenèus Categoria:Vicepresident del Parlament europèu Categoria:Deputat europèu del grop Los Verds/Aliança liura europèa 2004-2009 Categoria:Deputat europèu elegit en França 2004-2009 Categoria:Deputat europèu del grop Los Verds/Aliança liura europèa 1999-2004 Categoria:Deputat europèu elegit en França 1999-2004 Categoria:Deputat europèu del grop dels Verds al Parlament europèu 1989-1994 Categoria:Deputat europèu elegit en França 1989-1994 Categoria:Naissença en 1960 Categoria:Naissença a Albi