La Majorana (Origanum majorana) es una espècia de planta vivaça de la familha de las Lamiacèas, cultivada coma planta condimentària per sas fuèlhas aromaticas. Es una espècia fòrça pròche de l'Origan (Origanum vulgare).
Sinonim : Majorana hortensis Moench
Descripcion esquèrra|vinheta|230x230px|Fuèlhas drecha|vinheta|307x307px|Majolarada en pòt Planta vivaça, de 60 cm de naut. Fuèlhas opausadas, borrilhudas, vert grisenca, de forma ovala entièra, de 1 a 2 cm de long. Pichonas flors blancas o malvas, amassadas en grops quichat a l'aissèla de las fuèlhas amb doas bractèas en forma de culhèra. La majorana es melifèra.
Distribucion Espècia originari de l'èst del bacin mediterranèu (Chipre, Turquia), cultivada dempuèi l'Antiquitat dins tota l'Euròpa.
Cultura Vivaça cultivada coma una annalla, se multiplica per troces de mata e per semenadas. A besonh d'una exposicion solelhada e supòrta pas l'umiditat combinada al freg. Planta resistant malgrat tot a la gelada. Florason julhet/agost.
Enemics Lo parpalhon de nuèch (eterocèr) seguent se noirís de majorana: falèna blanca, Siona lineata (Geometridae).
Composicion L'òli essenciala d'origan compòrta environ 40 % de carvacròl et 20 % de timòl.
Utilizacion Aquela èrba s'emplega jos forma de fuèlhas frescas o secadas, sola o en mescla amb d'autras èrbas, per aromatizar fòrça preparacions culinaras. Son aròma mai delicat qu'aquel de l'origan la rapròcha de la frigola. S'apond en fin de preparacion, un temps de coseson tròp long riscant de far desaparéisser tot son aròma.
L'esséncia obtenguda per distillacion de las flors es antiseptica. Es subretot utilizada per de fumigacions.
Èrba caufanta e relaxanta, amb de proprietats antiseptics, de prene en infusion per sonhar los estats d'ància, de nerviositat, insomnia, migranas, raumàs e mal de las bronquis.
Lista de las espècias Segon : Origanum majorana L. (1753)
Nòtas e referéncias
Ligams extèrnes Referéncia Flora of Pakistan : Origanum majorana (en) (consulté le 5 novembre 2012) Referéncia Kew Garden World Checklist : Origanum majorana (en) Referéncia Catalogue of Life : Origanum majorana L. (en) (consulté le 5 novembre 2012) Referéncia Tela Botanica (France métro) : Origanum majorana L. (fr) (consulté le 30 mars 2016) Referéncia Tela Botanica (Antilles) : Origanum majorana L. (fr) (consulté le 5 novembre 2012) Referéncia ITIS : Origanum majorana L. (fr) (+ version anglaise (en)) (consulté le 5 novembre 2012) Referéncia NCBI : Origanum majorana (en) (consulté le 5 novembre 2012) Referéncia GRIN : espèce Origanum majorana L. (en) (consulté le 5 novembre 2012)
Categoria:Flòra (nom vernacular) Categoria:Lamiaceae Categoria:Planta condimentària Categoria:Planta mellifèra