Lo Mont Kenya es la pus nauta montanha de Kenya e la segonda pus nauta d'Africa, après Kilimanjaro. Sas pus nautas cimas son Batian (5199 m.), Nelion (5188 m.) e Point Lenana (4985 m.). Lo mont Kenya se situa al centre de Kenya, aperaquí a 16.5 km. al sud de l'eqüator, a 150 km. al nòrd-nòrd-èst de la capitala Nairobi. Lo mont Kenya donèt lo nom a la Republica de Kenya.
Lo mont Kenya es un volcan roge format aproximativament i a 3 milion d'annadas après la dobertura del Rift Èst African. Abans la glaciacion, atenhiá 7000 m. d'altitud. Foguèt cobèrt per una calòta glaciària pendent de milièrs d'annadas. Ne resultèt de pendas fòrça erodadas e nombrosas vals que davalan del somalh. I a a l'ora d'ara 11 pichons glacièrs. Sas pendas boscosas son una importanta font d'aiga per una granda part de Kenya.
I a plusors estatges de vegetacion entre la basa e lo somalh. Los pendisses pus basses son cobèrts per desparièrs tipes de bòsques. Mai d'una espècias alpencas son endemicas del Mont Kenya, coma la lobèlia giganta e los saniçons e una sosespècia locala de rock hyrax. Un airal de 715 km2 a l'entorn de la montanha foguèt designat Pargue Nacionale marcat al Patrimòni Mondial de l'Umanitat en 1997. Lo pargue recep mai de 16,000 visitors l'an. Referéncias
Categoria:Geografia d'Africa Categoria:Volcan de Kenya