+ <big><big>JoandaProfession:Cantaire, autor-compositorPaís: Occitània 30pxLuòc de naissença:Besièrs, Occitània
Biografia Sortit de Lengadòc, es plan naturalament en occitan que Joanda a causit de compausar e d’exprimir sos sentits. Per aquò far, mescla los instruments contemporanèus amb los instruments mai tradicionals occitans coma la viòla de ròda, la bodega (de la montanha negra), lo saltèri, las flaütas…
200px|thumb|right|Lo cantaire occitan Joanda
Joanda precisa : « La Nòva cançon occitana nasquèt pel plan de Larzac dins las annadas 70, entre Erau e Avairon. Èri en agost de 2003 per aquel quite planòl. Aquí que 30 ans aperabans, ausissiam clantir sus aquela tèrra seca los acòrdis de guitarra d’aqueles que cantavan lo País. Aqueles artistas m’an legada aquesta set de libertat que retrobam dins mas paraulas. Dins caduna de mas cançons o gaireben, tròbi aquí la fòrça de l’inspiracion que me buta per cantar en occitan la libertat, l’apetís, l’enveja. Lor devi ma desirança prigonda de crear. »
A l’ostal, la musica vira dins cada membre e dins cada estil : musica classica, pòp, ròc e mai… es a l’edat de 18 ans que descobrís dins un armari de l’ostal una guitarra que « lo paire aviá crompada per la maire » e comença sas primièiras nòtas amb aquesta guitarra que ven d’un artesan guitarrièr.
Desempuèi d’annadas, Joanda se voda per sa lenga de còr qu’es l’occitan. L’ensenha e s’investís dins un fum d’autras activitats ligadas a l’occitan : organizacion de manifestacions culturalas e concèrts, conferéncias, mesa en plaça d’associacions, participacion a d’unes filmes e creacion de DVD, creacion e animacion d’una ràdio, redactor dins d’unes jornals e revistas, presentator tv…
D’un autre latz, Joanda a l’enveja de compausar sas cançons. Aital, enregistra pendent l'annada 2005 un primièr album, Un autre camin, publicat en 2006.
Puèi, en 2008 decidís d'enregistrar l’album Register. Dintra en estudiò a l’Ostal a Besièrs-Servian, al Poligòn a Tolosa-Blanhac e al Petit Boun a Cazèras-St Miquèl. l’album Register es una collaboration realizada amb Brunò Mylonas, conescut dins lo mitan musical per son trabalh amb d’artistas coma Vanessa Paradis, Michel Berger, Marc Lavoine e mai Yannick Noah.
En 2012-2013, Joanda dintra en estudio per enregistrar son novèl album titolat Entre 2 Mondes amb Brunò Mylonas, Erick Benzi (qu'a tanben trabalhat ambe Khaled, Cheb Mami e un fun d'autres) e Laurenç Guéneau (Sinsemilia, Souad Massi). L'album es sortit al mès de mai de 2013. Entretemps, fin 2012, Joanda se classèt demest los 8 candidats finalistas a l'emission La Grande Battle de França 2, animada per Nagui. Lo 13 de novembre de 2012, i interprèta una adaptacion en occitan de Libiamo de Verdi.
Joanda es tanben professor d'occitan e un dei sòcis fondators dau MEd'Òc e de Gardarem la Tèrra.
Concèrts Joanda a fach, amb son gròp, mai d'un concèrt per de festenals occitans e europèus coma L'Estivada, Total Festum, Fèsta d'Oc e dins de salas nacionalas.
Per la sortida del album Entre 2 mondes, Joanda a realizat una virada en Europa del Sud (Virada de Mediterranèa) : Portugal, Espanha, Sicila, Italia...
Discografia Un autre camin (2006) Register (2009) Entre 2 Mondes (2013) 1000 ans (2021)
Ligams Sit oficial Concèrt pendent la Fèsta d'Oc de Besièrs
Nòtas e referéncias
Categoria:Cantaire occitan Categoria:Cantaire francés Categoria:grops e cantaires d'Occitània Categoria:Cantaira e cantaire dels ans 2000 Categoria:Cantaira e cantaire dels ans 2010 Categoria:Cantaira e cantaire dels ans 2020