Cuçac (oficialament en francés Cussac) es una anciana comuna d'Occitània, dins la region istorica de Roergue, administrada pel departament d'Avairon e la region d', ancianament de Miègjorn-Pirenèus. Es dempuèi 1829 partida entre las comunas de Brocmat e del Mur de Barrés. Lo vilatge es dins Brocmat.

Geografia Lo vilatge domina de 30 o 40 m la RD 18, mas es tanben accessible dempuèi la RD 98. Toponimia Las informacions toponimicas son las dels autres Cuçacs.

Dauzat daissa a causir entre un nom latin d'òme, Cūcius e un autre, Cussius, mas los autres toponimistas o lingüistas son per de noms en -ti- o en -tti- : Xavier Delamarre causís lo nom gallés d'òme Cūtios Xavier Delamarre, Noms de lieux celtiques de l'Europe ancienne, ed. Errance, 2012, p. 132, 295 e 343, los Féniés Cuttius jos Cutius (dins un estil que fa supausar l'influéncia de Negre) e, per Cuçac (Gironda), Bénédicte Boyrie-Fénié òpta fèrmament per Cutius. Çò que dona mai de pes a l'ipotèsi d'un nom gallés es la localizacion dels Cuçacs dins las regions de fòrt substrat celtic : departaments de Cantal, Dordonha, Gironda, Naut Léger, Nauta Vinhana, pueis de Cucet (Alèir), atestat in Cuciaco en 886, La Baraque de Cuçan en Avairon, e l'abséncia aparenta de tot nom aparentat mai al sud, o de tot *Cuçà en Catalonha. Lo sufixe es -acum, Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 234, a CuissaiBénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 148Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 132 latinizacion del sufixe gallés -āco(n). Cuçac èra donc probablament una anciana granda proprietat antica que aviá per mèstre Cūtios/Cūtius/Cuttius (noms d'origina gallesa), Cūcius o Cussius (noms latins). La question del nom es pas reglada : *Cūtiacon donariá regularament *Cusac e pas Cuçac.

Cussagols (benlèu Cuçagòls en occitan) es un derivat de Cuçac, amb lo sufixe d'origina -òl e una marca del plural qu'a benlèu una valor collectiva; lo nom sembla significar los abitants de Cuçac, que, probable, fondèron lo vilatjòt, situat a un km de Cuçac.

Istòria Demografia Luòcs e monuments Personalitats ligadas amb l'anciana comuna Veire tanben Brocmat e Lo Mur de Barrés Ligams extèrnes Nòtas e referéncias