Marchaum o Marchalm es una anciana comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe. En 1972, fusionèt amb Champs e dempueis es una comuna associada de Champs e Marchalm.
Geografia Toponimia Las fòrmas ancianas son Marchalus, latinizacion del sègle XIII, Castrum de Marchalm, en 1262, Marchalin, en 1401, Marchal, en 1535 http://archives.cantal.fr/ark:/16075/a011351496859M619I7. Dauzat e Rostaing, que se basan sus l'atestacion de 1262, interprètan lo nom, sense certitud, coma format del gal (gallic, gallés) maros, « grand » e del pregallic calmis, « nautor pelada » Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 432; la solucion es acceptada per Delamarre, que fai del nom un ancian māro-calm(on, -is), mas sense se prononciar sus l'origina del segond element Xavier Delamarre, Noms de lieux celtiques de l'Europe ancienne, ed. Errance, 2012, p. 191, 355. L'ensemble justifica la grafia de Marchalm (e pas Marchal). La prononciacion es [mar'tʃãn], notada a Sent Estèfe de Chaumelh, mas [mar'tʃaw] a Champs, qu'es pus près enquèsta Sivadon abrial e junh 2018. La majoritat del departament garda sa valor de consonanta a -l finala o finala de sillaba, en l'alterant o eventualament en l'amudissent, mas lo nòrd, près de Puèi de Doma tend a la vocalizar, coma en gascon o en provençal; *calmis dona doncas chalm o chaum (amb -m muda dins aquel darrièr cas). Veire per exemple lo cas de Montchalm, prononciat [mun'tsau] dins las comunas pus al nòrd; veire tanben los nombroses luòcs de Puèi de Doma escrits La Chau en francés. La grafia pòt èsser Marchaum o Marchalm. Chaldriá enquestar sus plaça.
Istòria * Dempueis la Revolucion, probablament e taiqua 1828, la comuna de Marchalm èra annexada a Tremolha. Lo 1èir de setembre de 1972, fusionèt amb Champs sos lo regime de la fusion-associacion e dempueis es comuna associada de Champs e Marchalm http://cassini.ehess.fr/cassini/fr/html/fiche.php?select_resultat=21024.
Administracion
Davant la refòrma cantonala de 2014, aplicada en 2015, la comuna associada èra del canton de Champs e Marchalm; es ara del canton d'Ide. Demografia
Luecs e monuments Personalitats ligadas amb la comuna Veire tanben Ligams extèrnes Nòtas e referéncias
Categoria:Anciana comuna de Cantal