La collectivitat europèa d'Alsàcia (en alsacian, europäischa Gebiatskärwerschàft Elsàss; en francés, collectivité européenne d'Alsace) es una collectivitat territoriala de l’estatut especific de l’estat francés qu’agropa los conselhs departamentals de Bas Ren e Haut Ren, valent a dire l’anciana region administrativa d’Alsàcia. Sa creacion se fa per decrèt lo 27 de febrièr de 2019, mas ven efectiva lo primièr de genièr de 2021."Décret n° 2019-142 du 27 février 2019 portant regroupement des départements du Bas-Rhin et du Haut-Rhin", Journal officiel de la République française, n°53 del 3 de març de 2019, tèxte n°34. Legir en linha sus Légifrance.. Lo caplòc provisòri es a Estrasborg. Sa populacion es de abitants (). Son còde estatistic es 6AE.
L’estatut es especific que la collectivitat cubrís dos departaments que demòran, per l’estat, doas circonscripcions administrativas amb caduna son prefècte e sos servicis desconcentrats de l'Estat. Las solas diferéncias amb los conselhs departamentals classics son: una amassada sonada conselh departamental d'Alsàcia (del sèti provisòri a Colmar) que jonh los elegits per canton dins los dos departaments; una competéncia alargada sus las rotas (departamentalas emai "nacionalas" e autorotas); de competéncias rapòrt a las relacions transfrontalièras amb Alemanha e Soïssa: ensenhament bilingue, etc. Referéncias
Categoria:Collectivitat territoriala francesa