Noalhan (Noailhan en francés) qu'es ua anciana comuna gascona, situada dens lo departament de Gers e la region d', ancianament de Mieidia-Pirenèus. Despuish 1822, qu'es annexada a Claramon dens la comuna de Claramon e Poiet.
Geografia Lo vilatge de Noalhan qu'es a 258 m d'altitud (lo borg de Claramon, a 190-195 m, dens ua arribèra), a 150 m d'un cairehorc de departamentalas : la RD 104 de Miranda a Sheishan, la RD 304 de Miranda a La Barta, la RD 237 cap a Claramon, qui passa au vilatge. Que i a tanben un camin cap au nòrd (Artigadiu, anciana comuna, adara dens Sheishan). Un camin cap a Bascos e a Sent Mesard qui's vei sus la mapa qu'es hòra d'usatge.
Toponimia La fòrma oficiala de 1793, Noeillan que sembla representar Noalhan influenciat per la prononciacion francesa anciana (roi [rwé]). La de 1801, Nouilhan qu'es mèi descarada http://cassini.ehess.fr/cassini/fr/html/fiche.php?select_resultat=25262. La prononciacion qu'es [nwa'ʎan] enquèsta Sivadon mai 2019. Noalhan que representa lo nom comun novalia, novalis, « tèrra desbosigada navèrament », dab lo sufixe -anum Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 123, per Noailhac o tanben eventualament los noms latins d'òme Nobilis o Novellius, dab lo medish sufixe Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 488, a Naillac, per un aute Noalhan, e p. 491, a Neaux.
Istòria En 1822, qu'annexèn la comuna de Noalhan a Claramon, atau coma per Poiet e per Bascos http://cassini.ehess.fr/cassini/fr/html/fiche.php?select_resultat=25262.
Demografia
Las donadas de la dreta deu grafic, plaçadas automaticament, que son las de la comuna entièra de Claramon e Poiet
Lòcs e monuments glèisa de Sent Pèr, bastida en 1785; Hont de Sent Pèr : hont situada près de la glèisa on i avè un pelegrinatge un còp èra per guarir los reumatismes.
Nòtas e referéncias