La linha B del mètro de Tolosa es una de las doas linhas del mètro tolosenc. Religa l'estacion Bòrdaroja al nòrd, a l'estacion Ramonvila, sus la comuna de Ramonvila e Sent Anha, al sud-èst.
La linha B es longa de 15,7 kilomètres. Passa pels quartièrs del nòrd de Tolosa de Bòrdaroja, Barrièra de París e dels Minimes, puèi traversa los baloards al nivèl de Compans-Caffarelli, davala cap al centre-vila, puèi vèrs los quartièrs del sud de Tolosa de Sent Miquèl, En Palòt, Sent Anha e Ranguèlh, per finir son percors a Ramonvila e Sent Anha.
La linha es la segonda linha del mètro tolosenc, obèrta en 2007 après 6 ans de trabalhs. Fa uèi l'objècte d'un projècte de perlongament al sud, en direccion de l'INPT, afin d'establir una connexion ambe la futura tresena linha del mètro.
__TOC__
vinheta|Mapa de la linha|centrat|700px
Istòria
Cronologia
1998 (3 de març) : Causida de la tecnologia del VAL de Matra, dejà utilizada sus la linha A Yves Marc, Toulouse. C'est Matra...d'une courte tête !, La Despacha del Miègjorn, 3 de març de 1998.. 2001 (11 de mai) : Signatura dels primièrs contractes per la realizacion de la linha Coup d'envoi de la ligne B du métro, signature des premiers contrats (3,8 MdsF)., La Despacha del Miègjorn, 11 de mai de 2001.. 2001 (agost) : Debut dels trabalhs Agnès Tremoulet, Toulouse. Métro : de l'encombrement sur toute la ligne, La Despacha del Miègjorn, 19 d'agost de 2001.. 2006 (decembre) - 2007 (mai) : Jornadas pòrtas obèrtas per desvelar las estacions al public Toulouse. Compans. Portes ouvertes à la station Compans-Caffarelli, La Despacha del Miègjorn, 8 de decembre de 2006. Anne-Marie Chouchan, Toulouse. Métro. La station des Carmes dévoilée, La Despacha del Miègjorn, 21 de mai de 2007.. 2007 (27 de mai) : Debut dels tèsts en condicion reala Philippe Emery, Toulouse : le métro de tous les records, La Despacha del Miègjorn, 30 de mai de 2007.. 2007 (30 de junh) : Inauguracion e mesa en servici de la linha B Eric Cabanis, Jean-Louis Borloo inaugure la ligne B du métro de Toulouse, La Despacha del Miègjorn, 1èr de julhet de 2007..
Estudis e construccion L'entrepresa Matra Transport International foguèt causida en 1998 per fornir la via d'equipament, las faciadas de las estacions, los malhums electrics, los automatismes, lo pòst de contròla, e trenta-cinc trens de tipe VAL, per un montant total de 1,6 miliard de francs.
Del fach de la longor importanta de la linha, e per securizar sa planificacion e sos còsts, l'obrador del gròs-òbra de la linha B foguèt copat en 6 lòts Toulouse. Métro: 3,5 milliards sur les rails, La Despacha del Miègjorn, 10 de mai de 2001. per un montant total previsional de 6,35 milliards de francs : EntitolatEstacionsDetalhs de las construccionsEntrepresas de trabalhs publicsMontant1Trencada coberta nòrdBòrdarojaCap de linha nòrd (a cèl obèrt), tremuèja, tunèl, obratges de ventilacion e d'estarida de las aigas2Tunèl e estacions nòrdTrois-Cocus, La Vache, Barrière-de-Paris, Minimes, Canal-du-Midi, Compans-Caffarelli, Jeanne-d'ArcTunèl, obratges de ventilacion e d'estarida de las aigas.Campenon Bernard, Eiffage749 millions de francs3Sector Joan JaurésJoan JaurésTunèl, obratges e amainatjaments necessaris a l'estacion de correspondéncia ambe la linha A4Tunèl e estacions centreFrancés Verdier, Carmes, Palais de Justícia, Sant Miquèl, En Palòt, Niel (estacion fantauma)Tunèl, obratges de ventilacion e d'estarida de las aigas. L'estacion fantauma Niel assura la ventilacion del tunèl e l'accès dels pompièrsBouygues Travaux Publics, Soletanche Bachy, Razel, Demathieu & Bard, Malet653 millions de francs5Tunèl e estacions sudSent Anha, Sauselong, Ranguèlh, Facultat de Farmacia, Universitat Pau SabatièrTunèl, obratges de ventilacion e d'estarida de las aigasGTM Construction, Dumez-GTM, Spie Batignolles463 millions de francs6Trencada coberta sudRamonvilaCap de linha sud (a cèl obèrt), tunèl, obratge d'estarida de las aigas
Espleita La linha B foguèt inaugurada lo 30 de junh de 2007 per Jean-Louis Borloo (ministre de l'Ecologia), Joan Luc Modenc (cònsol de Tolosa), e Felip Douste-Blazy (president del Grand Tolosa).
Lo còst de construccion foguèt de € HT (valor 2007), siá environ 89 M€/km (material rotlant inclús).
Per festejar la primièra annada de linha, Tisséo fa appel a l'agéncia de design global tolosenca KLD-Design atal qu'a l'artista de carrièra local Chat Maigre per decorar Ascenseurs métro Toulouse, KLD-Design. uèch gàbias d'ascensors de la linha : Universitat Pau Sabatièr, Sent Anha-SNCF, Palais de Justícia, Carmes, Joan Jaurés, Joana d’Arc, Tres Cocuts, Bòrdaroja.
Dempuèi setembre de 2009, a l'ocasion del festenal Occitània, las anóncias vocalas de las estacions venentas se fa en francés e en occitan. Es la meteissa votz femenina qu'anoncia las estacions dins las doas lengas Sylvie Roux, Toulouse. Métro. Une nouvelle "voix" occitane pour annoncer les stations, La Despacha del Miègjorn, 4 de mai de 2011..
Lo divendres 6 de decembre de 2013, lo recòrd de frequentacion foguèt batut ambe validacionsPhilippe Emery, Toulouse. Record de fréquentation battu pour Tisseo : 708 209 voyages en un jour, La Despacha del Miègjorn, 14 de decembre de 2013..
Lo 9 de genièr de 2017, la ruptura d’una canalizacion dins lo quartièr Sent Anha provoca l’inondacion de l'estacion sosterranha Sent Anha-SNCF. L'estacion es barradura per una durada estimada de doas setmanas al mens, e lo trafic interromput al sud de l'estacion Sant Miquèl – Marcel Langer lo temps del pompatge de l’aiga amassada dins lo tunèl Hélène Menal, Toulouse: Inondée, la station Saint-Agne restera fermée pendant au moins deux semaines, 20 Minutes, 9 de genièr de 2017..
Lo 12 de genièr de 2018, la Comission Nacionala del Debat Public anóncia que la concertacion publica sul perlongament al sud, cap a la futura tresena linha del mètro, se tendrà del 29 de genièr al 23 de febrièr de 2018 Toulouse. Prolongement de la ligne B : feu vert pour la concertation, La Despacha del Miègjorn, 12 de genièr de 2018..
En 2018, per la primièra annada dempuèi l'obèrtura de la linha B, aquesta darrièra enregistra mai de validacions que la linha A : 57 milions contra 53,3 milions sus la primièra linha del mètro tolosenc Chiffres clés 2018, Tisséo.. Aqueste escart s'explica essencialament per la barradura estivala de la linha A pendent qualques setmanas, dins l'encastre dels trabalhs de doblament de sa capacitat.
Traçat e estacions
Traçat esquèrra|vinheta|Boca de mètro de l'estacion Joana d’Arc. La longor totala de la linha es de 15,7km e es entièrament sosterranha. La linha B desservís 20 estacions al total : 19 a Tolosa e 1 a Ramonvila e Sent Anha. Traversa Tolosa del nòrd, a Bòrderoja, al sud-oèst, a Ramonvila.
A notar qu'a l'excepcion de l'estacion Joan Jaurés del fach de sa correspondéncia ambe la linha A, totas las estacions son similaras dins lors configuracion.
La linha nais al nivèl de la plaça Maurina, al nòrd de Tolosa, dins lo quartièr de Bòrdaroja. La primièra estacion de la linha, al nòrd, es l'estacion Bòrderoja. Aqueste estacion possedís un parcatge relai. La linha davala après cap a l'estacion Tres Cocuts, dins lo quartièr dels Isards. Lo mètro passa après jos la linha ferroviària de Bordèu a Seta.
La linha davala alara vèrs lo sud, per arribar a La Vaca, estacion situada al nivèl de la carrièra Paul Verlaine, dins lo quartièr de la Barrièra de París. D'alhors, l'estacion venenta es l'estacion eponim, situada jos un giratòri, a proximitat de nombrós comèrcis. La linha contunha sa davalada, cap a las estacions Minimes-Claudi Nogaròu e Canal del Miègjorn, totas doas situadas dins lo quartièr dels Minimes. L'estacion Canal del Miègjorn se situa a costat del Conselh Departemental de la Nauta Garona, jos lo canal, e sos accès suls bòrds.
vinheta|Un tren de la linha B del mètro tolosenc. La linha intra après dins l'ipercentre tolosenc, ambe l'estacion Compans-Caffarelli, situada sul baloard de Las Croses. L'estacion desservís especialament lo quartièr d'afars omonim. Lo mètro effectua alara una bocla cap a l'èst per davala a l'estacion Joana d'Arc, a proximitat de la basilica de Sant Sarnin, sul baloard d'Estrasborg. L'estacion venenta es Joan Jaurés, estacion de correspondéncia ambe la linha A del mètro. L'estacion es situada a proximitat de la plaça Wilson, atal que de nombrós monuments tolosencs, coma la plaça del Capitòli.
esquèrra|vinheta|Cais de l'estacion Palais de Justícia La linha contunha cap al sud ambe l'estacion Francés Verdier, situada a costat del monument dels mòrts, sul crosament entre lo baloard Lazare Carnot e la carrièra de Metz notadament. La linha fa alara un escart vèrs l'oèst puèi vèrs lo sud ambe l'estacion dels Carmes, situada a costat del celebre mercat tolosenc. Lo mètro davala après cap al sud e l'estacion Palais de Justícia, a proximitat del Pont de Sent Miquèl. L'estacion es tanben lo terminus de las linhas T1 e T2 del tramvai de Tolosa. La linha davala après en passant jos la grand carrièra Sant Miquèl cap a l'estacion Sant Miquèl Marcel Langer, situada a proximitat del stadium.
Lo mètro contunha sa davalada vèrs lo sud, ambe l'estacion En Palòt e lo quartièr omonim. Passa alara al nivèl de l'estacion fantauma Niel, sola estacion fantauma del malhum tolosenc. La linha contunha après son trajècte vèrs l'estacion Sent Anha-SNCF, estacion en correspondéncia ambe la gara de Sent Anha. Puèi lo mètro davala cap a l'estacion Sauselong, atal que l'estacion Ranguèlh, a proximitat del quartièr résidencial omonim.
Lista de las estacions
Estacions particularas vinheta|L'accès, condemnat, a l'estacion Niel. L'estacion Niel, situada entre las estacions En Palòt e Sent Anha es l'unica estacion fantauma del malhum de mètro a Tolosa.
Estacions previstas L'extension de la linha B figuèt declarada d'utilitat publica lo 7 de,febrièr de 2020, las òbras començan en 2022 per un servici previst a la fin de 2027 Estacion Coordenadas Comuna Correspondéncias Tisséo Ret Arc-En-Ciel / TER ■ Ramonvila Ramonvila e Sent Anha16px Hop!303 • Pargue del Canal Ramonvila e Sent Anha ■ Labeja Madron Labeja (en projet)
Correspondéncias
Ambe de nombrosas linhas de tren de la gara de Tolosa Matabiau a l'estacion Marengo SNCF. Ambe la gara de Sent Anha de la linha D dels trens de banlèga a l'estacion omonim. Ambe la linha A del mètro a l'estacion Joan Jaurés. Ambe las linhas T1 e T2 del tramvai a l'estacion Palais de Justícia.
Parcatges relais Tres parcatges relais pels automobilistas arribant de la banlèga :
Bòrdaroja, dont lo parcatge dispausa de 1130 plaças. La Vaca, dont lo parcatge dispausa de 440 plaças. Ramonvila, dont lo parcatge dispausa de 1050 plaças.
Obradors e depaus Lo depaus de la linha es situada al nòrd, après l'estacion Bòrdaroja.
Servici Lo trajècte dura 26 minutas e 30 segondas Horaires du métro, Tisséo..
Material rotlant La linha es una linha de VAL, espleitada ambe de VAL 208 NG e NG2. Contrariament a la linha A, los VAL 206 e 208 de primièra generacion son pas utilizats sus aquesta linha.
Personal d'espleita En çò de Tisséo, existís diferentas tascas que devon èsser efectuadas per permetre una bona gestion de la linha de mètro Mestièrs e emplecs, Tisséo. :
La mantenença del material rotlant es efectuada per d'electronicians, d'electricians, de mecanicians e enfin de carrocièrs, que velhan al bon foncionament dels trens. La mantenença dels installacions e dels infrastructuras. L'espleita del mètro automatisat es gerida per d'operators del mètro, dempuèi una sala de contròla. La comunicacion e l'informacion dels viatjaires. La qualitat e lo respècte de l'environament son especialament gerits per de cargats d'estudis. La seguretat es gerida per de verificators de percepcion, d'agents de prevencion atal que de responsables d'equipas. L'engenheriá atal coma los projèctes son gerits per d'engenhaires, de caps de projècte e d'assistents metòde.